منتديات الهلالية - السودان
(نسخة قابلة للطباعة من الموضوع)
http://www.helalia.com/vb/t18220
أنقر هنا لمشاهدة الموضوع بهيئته الأصلية

البنيه
الحاج الجيلي الحاج 23-12-2014 01:57 صباحا
البنيـــــــــــه

كلمات الحاج الجيلي الحاج

داير اكتب في البنيه

المرت وماادتني التحيه

واقول ليها خلينا نطوي الماضي طيه

ونعيش انا وانتي في الثريا

نبعد عن العالم الوسخان

وبالحقد مليان

اتعددت الاديان

واسلامنا سيد الاديان

عالم ماهو نضيف

كلو خداع *وزيف

وانا ماشاعر زي محجوب شريف

انا زول ود ريـــــف

انسان بسيط وعفيف

كل حلمي اصبح مهندس حاسوب

واكون زول شفت مرغوب

مامهم اشتغل في شركه

او بنك البركه

او بوليس الحركه

المهم اكون صنديد

زول قلبو حديد

علي اهلو ونفسو شديد

للمحتاج يمد أيــــد

يقهر الكعب العنيد

مايهتم للشتيمه

ماالناس انواع:ــ

ناس قطيمه

ناس هميمه

ناس جريمه

والناس اجناس

وفي اجناس انجاس

وناس تتغاز

وناس تولع بالغاز

وناس تولع حطب

تاكل تمر الرطب

وناس تقول في الخطب

في الشــــــــــــــوارع

وناس تصـــــــــــارع

بلداً حالو صعب

كلو تضليل وزيف

تقيف في الصف للرغيف

من نص الشهر تكمل المصاريف

بترولنا كان مابيقيف

يكفينا ويفيض لي جينيف

وانا احسن لحدي هنا اقيف
منتديات الهلالية - السودان

Powered by PBBoard ©Version 3.0.3