::  إظغط هنا  :: ::  إظغط هنا  ::

العودة   منتديات الهلالية - السودان > قسم المنوعات > التراث والموروثات الشعبية

التراث والموروثات الشعبية يهتم بكل قضايا التراث والعادات والتقاليد السودانية

مسدار الصيد للحاردلو

في الأيام الخريفية الرائعة الممطرة وخاصة بطاتنا العزيزة المعروفة حدودها ( من حجر العسل لا عن قبوب ود زايد ) تكون البطانة كالعروس يوم زفافها وأجمل منها بكثير تكون هنالك

روابط دعائية

إضافة رد
 
أدوات الموضوع إبحث في الموضوع انواع عرض الموضوع
قديم 01-11-2011, 11:44 AM رقم المشاركة : 1
حسين عباس سالم
عضو فعال جداً
إحصائية العضو









حسين عباس سالم غير متواجد حالياً


افتراضي مسدار الصيد للحاردلو

أنا : حسين عباس سالم




في الأيام الخريفية الرائعة الممطرة وخاصة بطاتنا العزيزة المعروفة حدودها ( من حجر العسل لا عن قبوب ود زايد ) تكون البطانة كالعروس يوم زفافها وأجمل منها بكثير تكون هنالك حركة كثيرة الزراعة والرعي والبقر والمعوز والضان والوديان مخضرة والصيد والريل والغزلان ، ما رايكم أن نذهب في سياحة مع شاعرنا الكبير شيخ شعراء البطانة الحاردلو في مسدار الصيد (1830-1916) اشهر المسادير لشاعرنا الكبير الحاردلو


الشم خوخت بردن ليالي الحرة
والبراق برق من منا جاب القرة
شوف عيني الصقير بي جناحو كفت الفرة
تلقاها ام خدود الليلة مرقت بره
****************
تعرف لي مشاهد الرقاد والفرة
فلاخ المصب بيه بتبين تِتْورَّا
فوق حيا فوق محل من الصعيد منجرة
شاحد الله الكريم ما تلقي فيه مضرة
*********************
أب عراق فتق قرنو المبادر شرا
الباشندي عمت مهشيشب الدرة
من النقرة كل حين فوق عيلو منصرة
ها الايام محاريها القليعة ام غرة
***********************
قدمت من هنا وبي أضانا سمعت كرَّة
فوق كرتوت شخيتيراً تِخَيِّن خرَّ
قلاتو الوهاط بي لشغة قبل ام حرَّة
يا باسط النعم تسقيها في ها المرَّة
***********************
بت المن قرين مرقن على الجبال
في بية وبلوس ما برجن الوبال
صفراً درعتن تدلى لا البهال
وبيضة شاش قرابيبن تريع البال
*****************
مرقن يامجيب لي جملة السعال
شاحدك تجمعن من مطبق الحلال
ما ينقص حساب الدرج ولو بي عجال
ونحن نجيب لهن في كل يوم منوال
*************************
من بيلا الصباح اتسربقن همال
والدوف فوق حقايبهن كترته جمال
الخور العطيش بلدا عزاز ورمال
ومدروك ما هو من حر النهار
********************
عقبن ود دعول بجرن شفاقة عدال
ختمن مقرح الحربة الجبالو طوال
قلت امات قرود وردنة بالقبال
خِلَقاً كيف برمولن دمير حبال؟
************************
من امات رميلة متركشات لا شمال
سمعن هدري لا قدام كرير واضلال
اشرحط بريقن لاح يشيل ولوال
وتيسن زاعلن باكر مع الشهلال
**********************
خلاهن رتوع في بقيل وخرجة نال
لامن دور الوادي السِّري سيال
فوق قمزوز طلع شاف في ملينتو زوال
وقلعة كو حفيرها لقالو فيها نعال
*********************
مطامنات هناك لام نهارن زال
وشرفن كلهن شمن دعاش اتعال
مابيات البلد دايرات حقو السروال
وصفاً متع الغناي قدر ما قال
**********************
في عاقب نهار سونلهن مرحال
وعينيهن خلقهن زرق بلا كحال
من ريح الحويل بقين دحين في حال
وديل ليمن على الناس المتلنا محال
************************
جاهن منقلب وقتاً عصير وشفاف
وكاسب ليلو بيهن من صدف ماخاف
ديل الطبعهن دايم الأبد عياف
وفي نايط السروج لقين بقيلاً جاف
**********************
حجار المزار المن بعيد بنشاف
جرَّن فوقو اللي التعفر عاف
من عند المضيق مرقن هناك بسناف
ديل قسين على القوي والمتلنا ضعاف
**************************
لونن من بعيد متل البليلي نضاف
حُرْد ومعصرات من شبة الأكتاف
لي الناس البغنولن يجروا القاف
ماليات الخشم من كامل الأوصاف
*******************
اتنفضن من الغبش اب صهيب ناموس
وجن بين القصيرة وبين فريع قلبوس
سدر المرمي لقين رده مو مانوس
وطاحن من حقيقيصو المعيز ارموس
*****************************
خلالهن على حجر الصفية حبوس
ولقى في الدهسريب قمبار وعرق فقوس
في المخلوقة شن تشبه معيز ام روس
غير الفي وريدن شولقن مرصوص
*************************
تيسن لي مراتيعن تملي بكوس
وديمة بقِلْ على البرق البشيل حرقوص
كم زولاً رقد فوق دربهن ممغوس
ومنو اتخلسن ما صيدن جاموس
*********************
قامن منهن اتنين مضاكرة تيوس
ولقين في السمير ختاً وجيع مكبوس
دمجاً أزرق مشاهدو مو معفوص
وخَّرَن منو في الميع المقامو البوص
*********************
أخدن فيه سبوع دورين حسابن تام
من أوديد بزاول شرفهن قدام
طلعن قوز كديس جاهن سقيط نمنام
وصلن حد بطانة مركز العدام
************************
الهبريم طلع جاب الميع حوام
من شهر النفاس فضلن لهن أيام
انقلبن على القوز المقامو تمام
لونن بشبه البفت الجديد والخام
*************************
ديل الطبعهن دايماً خفاف وهمام
وفي سمير ودحريري مضقلات كل عام
قربن لي مواليد الرخيص وبعام
ومن عين البعاين سورة الأنعام
**********************
نون بالنجيع يا سابل الأكمام
اسبل سترك السابل على النيام
تيسن جك مغرب وبي الملاين حام
وجاهن وعافطنو وحيل سدوهن قام
******************
من دعت السراويل قبلن دارتان
علي العشنوق لقن زوزاي وبي فارات
عسكر خاف عليهن في ضرا ميعات
وجاهن زاعلن بعد النهار ما فات
**************
ختمن شابلك العارق التلات شدرات
مرقن فوق عزاز حمريبة ام سوبات
داشن لي الصباح ما لقنلهن مرحات
لامن لينن باكر على الطلحات
*****************
خلاهن على رد الفروخ بايتان
وفي المكفي الورى ام ميمون لقى ختيتات
متماسك سدوهن وبي الحدوب شاتات
وجاهن وعافطنو وجنو منحتات
**************
ديل الديمة من رد الأنيس ناجعات
وكل حين فوق عليون نابي منجمعات
تيسن دور الوادي الورا القلعات
ضمر خلقة مو من قل المعاش ضايعات
*****************
خلاهن علي رد الدموكيات
قلع الفار سليباتو اتلقن باردات
قربن حضرنبو ولي النفاس دانيات
وفي دردور شدير ومعاه حمريبات
*****************
انحلن جناهن في ضرا نالات
لامن رضعنو وجف من السبيات
كم فوقن دقوناً ولفن قافات
وقالن دوبا ليهن والزمان الفات
****************
الحي في الوجود والقالو قبلنا مات
كله بلاهي بي لهج الطريفيات
شن ما قلنا فوق دغس العيون ساويات
قبلي ود ابشوارب جابلهن نمات
***************
يا باسط الأراضي والسبع سماوات
كل البدبي فوقن حافي وابنعلات
دغس العين تنجيهن من الآفات
لامن وخرن بيلا المعيز جامعات
*************
مرقن من مطيبقات الخوي اب دنان
وهكعن فوق معالق الوادي ابو ريحان
شافن في السمير زولة وحيامت انسان
ونطحن ها القليع المسمى بالنسوان
**************
وكت ادردقن بي مطبق الوديان
كلبي الشارعو فيهن جا منقلب هقلان
واتحير قعد ساكت بقيت محنان
يكتب لي لماهن ربنا المنان
*******************
تيسن جا منقلب من الرحيح ضبلان
من قفر بلداً بعيد قسيان
اب سعنة الرشيد لقينو خورو ملان
بتفلَّت علي نعناعو ليهو زمان
*************
من الفجخا هبر خلالهن
لامن دور امات رميلة وجاهن
عند المتنا في عاقباً جديد لماهن
ختمن بيلة، فوق قلع البقر دلاهن
******************
المعزة البجازن ديمة فوق في خلاهن
بالغات النصاب انصاري ما زكاهن
من ود البصير جايب اذن بي غناهن
شوفن يالزبير في لساني كيف محلاهن
**********************
من عوج الوقت ما بتركن وانساهن
فوق حيا فوق محل دايماً بجرو غناهن
ناس ابن الذريح ضربو المثل بي جناهن
ومن كل السوام سيدي الحسن يبراهن
******************
قطعن ود دعول وادن قليعو قفاهن
جفلن من زوال شوفاً بعيد باداهن
ملزوم بي مراتعهن وخبرة ماهن
وصلنو المصب واتوكرن في ضراهن.


ls]hv hgwd] ggphv]g, hgwpd








أكتب تعليق على الموضوع مستخدماً حساب الفيس بوك

تسهيلاً لزوارنا الكرام يمكنكم الرد ومشاركتنا فى الموضوع
بإستخدام حسابكم على موقع التواصل الإجتماعى الفيس بوك


    رد مع اقتباس
قديم 10-25-2011, 07:26 PM رقم المشاركة : 2
محمود ابراهيم
عضو مبدع
إحصائية العضو









محمود ابراهيم غير متواجد حالياً


افتراضي رد: مسدار الصيد للحاردلو

أنا : محمود ابراهيم




مشكووور على هذا الجمال






    رد مع اقتباس
قديم 08-22-2012, 07:51 PM رقم المشاركة : 3
عاطف عمارة
المديــر العـــام
 
الصورة الرمزية عاطف عمارة
إحصائية العضو








عاطف عمارة غير متواجد حالياً


افتراضي رد: مسدار الصيد للحاردلو

أنا : عاطف عمارة




لك أجمل تحية وكل الجمال أخى حسين عباس سالم

على تلك الهدية البديعة من شاعر البطانة الحاردلو
لك الف تحية وسلام






    رد مع اقتباس
قديم 10-22-2012, 03:17 AM رقم المشاركة : 4
ابن خلكان
عضو نشيط
 
الصورة الرمزية ابن خلكان
إحصائية العضو








ابن خلكان غير متواجد حالياً


افتراضي رد: مسدار الصيد للحاردلو

أنا : ابن خلكان




حجار المزار المن بعيد بنشاف
جرَّن فوقو اللي التعفر عاف
من عند المضيق مرقن هناك بسناف
ديل قسين على القوي والمتلنا ضعاف


حسين عباس

مراتع من الجمال والصفاء ،دعتنى الي ان اعيد تلك الحروف مرات ومرات
شكرا لهذا الجمال الممنوح بعينكم
سلمت






    رد مع اقتباس
قديم 09-20-2013, 10:35 AM رقم المشاركة : 5
حسين عباس سالم
عضو فعال جداً
إحصائية العضو









حسين عباس سالم غير متواجد حالياً


افتراضي رد: مسدار الصيد للحاردلو

أنا : حسين عباس سالم




تسلم علي المرور الانيق






    رد مع اقتباس
إضافة رد

الكلمات الدلالية (Tags)
للحاردلو, مسدار, الصحي

روابط دعائية
كاتب الموضوع حسين عباس سالم مشاركات 4 المشاهدات 3409  مشاهدة صفحة طباعة الموضوع | أرسل هذا الموضوع إلى صديق | الاشتراك انشر الموضوع


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
امونه بت الشيخ حمدامونه بت الشيخ حمد ابوها كان مزواج خلاص ناسب جميع اهل البلد ميلادة بنت الغمام منتدي الشعر والخواطر والقصص والروايات 1 06-28-2012 10:23 PM
دردشة مع الجيلي الشيخ حول تحوله من وردي الى الشيخ البرعي محمد احمد محمد منتدي الشعر والخواطر والقصص والروايات 0 12-15-2011 08:16 AM
بائيه التكريم الشيخ حسن الفاتح الشيخ قريب الله اللواء م / الخير عبدالجليل المشرف مكتبة الاديب لواء ركن م الخير عبدالجليل المشرف 2 08-03-2011 05:58 PM
الذكـــر في مسيد ابونا الشيخ الطيب الشيخ علي المرين وخليفتة الشيخ البدوي محمد حسين الطيب منتدى الحوار العام 10 11-25-2010 09:30 PM
العارف بالله الشيخ ادريس الشيخ عبدالملك الي الرفيق الاعلي إنا لله وإنا إليه راجعون الرشيد ودالكديوة الترحيب والتهاني والتعازي 9 09-18-2010 11:31 PM

RSS RSS 2.0 XML MAP HTML

^-^ جميع آلمشآركآت آلمكتوبهـ تعبّر عن وجهة نظر صآحبهآ ~


الساعة الآن 12:44 AM بتوقيت مسقط


Powered by vBulletin® Copyright ©2000 - 2018, Jelsoft Enterprises Ltd.
هذا الموقع يتسخدم منتجات Weblanca.com
new notificatio by helalia.com/vb
المواضيع لاتعبر بالضرورة عن رأى الموقع