::  إظغط هنا  :: ::  إظغط هنا  ::

العودة   منتديات الهلالية - السودان > قسم المنوعات > التراث والموروثات الشعبية

التراث والموروثات الشعبية يهتم بكل قضايا التراث والعادات والتقاليد السودانية

حكاية بشرى البطانه مع الجامعة

هذه قصيده لبشرى البطانه يصف فيها حاله فى الجامعه كرساله لامه الحنيه يالملكه ماك متزعمه ياساريه فى الزمن النحل ياضل على البلدات رمى يالكادحه من أجل الوليد شان

روابط دعائية

إضافة رد
 
أدوات الموضوع إبحث في الموضوع انواع عرض الموضوع
قديم 01-11-2011, 12:55 PM رقم المشاركة : 1
حسين عباس سالم
عضو فعال جداً
إحصائية العضو









حسين عباس سالم غير متواجد حالياً


افتراضي حكاية بشرى البطانه مع الجامعة

أنا : حسين عباس سالم




هذه قصيده لبشرى البطانه يصف فيها حاله فى الجامعه كرساله لامه الحنيه

يالملكه ماك متزعمه
ياساريه فى الزمن النحل
ياضل على البلدات رمى
يالكادحه من أجل الوليد
شان راسو إصبح فى السما
ويالفوقا ماف غير الله شئ
وحتى الله زاتو معظما
والجنه أيه تصبح معاك
أرخص وأقل من مقدما
ودايساها بين كرعيك حبت
فى قاع مدايسك مرغمه
ويايمه شوق قطع حشاى
واوجعة الدمع الهما
إشتقتا لى مطر الخريف
وكتين حفايرو إحزما
وبهيمنا فر تال التبر
أماتو واردات الضما
كوعتا فوق العنقريب
بتشرف العيش اللتيب
والعفرا تتقاطا الرحل
منظر دواخلى يأزما
مرصوص متل عقد الكنار
منضوم على جيد السما
إتحكرتى فوق بنبر حطب
قهوة ضحا وجلسة لما
خيلانى وأعمامى الكبار
خالاتى والجد العمى
ونسه وصراحه وقرقراب
متفائله بالضل الرما
والتايا بت عوض الكريم
المالكا قلبى مقسما
منصره فى طرف الصعيف
نادتنى هيي أصبحتو كيف ؟؟
بيناتنا شاشاق الحطب
همساً دقاق مو همهمه
قالولكن
الليله أمى مكرمه
طرزتا ماراعيت كبير
عاد تايا كيف ؟؟ وإنشالله خير!!
قاتلى شديده وإلا عيب
وسط الرجال بتناغما
وتب قبلت ماشفتا غير
كفلاً رطن كاجر الطريحه محشمه
إلا إمى واضيعة رجاك
من ولدك الطشطش عما
أنداح تبع زخم المدن
ضيّع بداوتو وحطما
وسلام من البلد السجم
سموها يمه العاصمه
ويايمه ولدك ضاع خلاص
تايه مبارى العولمه
ماياهو ضرغام الرجال
الكان قبيلتو معظما
وياحليلو روبك والسمن
ياحليل لذايذ الأطعمه
ضوّق لسانى طعم جديد
بيرغر .. وجامبو المفرمه
ومعدتى ذاتا إطوطوت
ما أظن عصيدتك تهضما
خدعتنى كندشة الوهم
حمام وريحه وهندمه
راجيانى فوق النار أقع ؟؟
وأنا هالشمس مابلزما !!
دايرانى فوق دلوكه أهز ؟؟
راجيانى أسل سيفى وأرز ؟؟
وألعب مع التوم ود حمد
صقريه درقه محكمه !!
وأنا داك بقيت سيد الرقيص
مرات قرد ..مرات كتيفتى أبرما
دايرانى بى سوط العنج
أركز مع السر وادما؟؟
إنفره سروالى البجر
أربط بتينتى وأحزما
شبال من التايا وأهز
طاقيتى شنقا وأقرما
وفوق ضهرى داداب العنج
وأصفاحى نازفات الدما
أيمه ولدك ضاع زمان
زمان
وحكايتو بقيت مؤلمه
باريت لؤى وقصى ومى
وين تانى كاكوم وادما !!
ضهرى الممسح بتلصف
راقد لحايفو منعمه
ما أظنو بتحمل لبع
والخرشه ماأظن بلزما
سروالى ماياهو القبيل
سديريتى جكه مجضمه
حاجات مجبصه كلها
وطاقيتى كاوبوى وإنما
والكاوى قلبى وشاوى شى
كان شفتى واحدى مقرضمه
لابسه البناطلين زينا
والله ماتفرزيها تب
كان فارده شنبه تبرما !!!
لكنو مهما الزول بعد
حكايتو القبيل مابهدما
جاييك وشايل بقجتى
جواها ورقه مختمه
أياهو حلمك وجبتو ليك
داك جمه ريقى من الظما
بتمنى من الله الكريم
إمد أيامك وإقدما
وتحجى فى كل عام إهل
وتعودى سالمه وغانمه
يايمه
وتعودى سالمه وغانمه


p;hdm favn hgf'hki lu hg[hlum favd








أكتب تعليق على الموضوع مستخدماً حساب الفيس بوك

تسهيلاً لزوارنا الكرام يمكنكم الرد ومشاركتنا فى الموضوع
بإستخدام حسابكم على موقع التواصل الإجتماعى الفيس بوك


    رد مع اقتباس
قديم 10-25-2011, 07:23 PM رقم المشاركة : 2
محمود ابراهيم
عضو مبدع
إحصائية العضو









محمود ابراهيم غير متواجد حالياً


افتراضي رد: حكاية بشرى البطانه مع الجامعة

أنا : محمود ابراهيم




قصيدة قمة الروعة مشكوور






    رد مع اقتباس
قديم 10-29-2011, 10:41 PM رقم المشاركة : 3
وليد محمد
عضو مميز جداً
 
الصورة الرمزية وليد محمد
إحصائية العضو









وليد محمد غير متواجد حالياً


افتراضي رد: حكاية بشرى البطانه مع الجامعة

أنا : وليد محمد




روعه والله






    رد مع اقتباس
قديم 11-20-2011, 01:15 AM رقم المشاركة : 4
صلاح محمد على
عضو ساحر
 
الصورة الرمزية صلاح محمد على
إحصائية العضو









صلاح محمد على غير متواجد حالياً


إرسال رسالة عبر MSN إلى صلاح محمد على إرسال رسالة عبر Yahoo إلى صلاح محمد على

وسام التميز الذهبي 
مجموع الاوسمة: 1 (أكثر» ...)

افتراضي رد: حكاية بشرى البطانه مع الجامعة

أنا : صلاح محمد على




مشكوووووور والله يعطيك الف عافيه






    رد مع اقتباس
قديم 11-21-2011, 11:55 PM رقم المشاركة : 5
ستهن
عضو ساحر
 
الصورة الرمزية ستهن
إحصائية العضو










ستهن غير متواجد حالياً


افتراضي رد: حكاية بشرى البطانه مع الجامعة

أنا : ستهن




كلام جميل جدا






    رد مع اقتباس
قديم 02-04-2012, 12:56 AM رقم المشاركة : 6
صلاح محمد على
عضو ساحر
 
الصورة الرمزية صلاح محمد على
إحصائية العضو









صلاح محمد على غير متواجد حالياً


إرسال رسالة عبر MSN إلى صلاح محمد على إرسال رسالة عبر Yahoo إلى صلاح محمد على

وسام التميز الذهبي 
مجموع الاوسمة: 1 (أكثر» ...)

افتراضي رد: حكاية بشرى البطانه مع الجامعة

أنا : صلاح محمد على




اسمح لي ابدي اعجابي بقلمك وتميزك واسلوبك الراقي وتالقك






    رد مع اقتباس
إضافة رد

الكلمات الدلالية (Tags)
مع, البطانه, الجامعة, بشري, حكاية

روابط دعائية
كاتب الموضوع حسين عباس سالم مشاركات 5 المشاهدات 2721  مشاهدة صفحة طباعة الموضوع | أرسل هذا الموضوع إلى صديق | الاشتراك انشر الموضوع


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
روعه من البطانه مصعب بشير منتدى الاغانى والافلام السودانية والعربية والاجنبية 2 12-07-2011 11:51 AM
اهلنا ناس البطانه عاصم بابكر محمد بابكر التراث والموروثات الشعبية 10 08-10-2011 07:22 PM
الجامعة بيت خرب أبوعاقله الريح يوسف المنتدى السياسي 11 08-04-2011 03:29 AM
جامعة البطانه : كابوس إقترب تحقيقه * فهل سيتحقق؟ جماع مسعود منتدى الحوار العام 17 10-25-2010 12:58 PM

RSS RSS 2.0 XML MAP HTML

^-^ جميع آلمشآركآت آلمكتوبهـ تعبّر عن وجهة نظر صآحبهآ ~


الساعة الآن 12:39 AM بتوقيت مسقط


Powered by vBulletin® Copyright ©2000 - 2018, Jelsoft Enterprises Ltd.
هذا الموقع يتسخدم منتجات Weblanca.com
new notificatio by helalia.com/vb
المواضيع لاتعبر بالضرورة عن رأى الموقع