 |
 |
|
|||||||
| التسجيل | التعليمـــات | المجموعات الإجتماعية | التقويم | مركز رفع الملفات | البحث | مشاركات اليوم | اجعل كافة الأقسام مقروءة |
 |
|
|
أدوات الموضوع | إبحث في الموضوع | انواع عرض الموضوع |
06-13-2010, 01:24 AM
|
#1 |
|
عضو فعال
 
تاريخ التسجيل: May 2010
المشاركات: 388
معدل تقييم المستوى: 12  سجل دخولك او إضغط هنا للتسجيل
|
قصائد وأشعار محمدالحسن سالم حميد
مع حبيِِ آخر الريد محمد الحسن سالم حميد ................ جاييك من آخر الريد مشياً على الأشواق عز الليالى البيد آنست نورك باق خبيت مشاعرى شديد الدروخة الساساق كلما لك انت بعيد توميلي بالاطواق بى آيه تفتحى الأبواب للجاك عديل ودنا داير عينيك قراب وتبقيلي دار ودنا لو بالمحبة حباب إبن الملوح أنا لو بالنغم زرياب وما خلى فيك غنا لو بالعلم دا كتاب مفتوح لك ألف سنة لو بالضرب دي حراب عنتر مدارقو هنا لو بالرسم جذاب عند أمو كل جنا لو مو الشمس كضاب البدر يضوي سناء لو بالقرش وين جاب ما جاب براهو هنا لله كم خطاب تتمنى حالو مني يا بت بلا استغراب تكشحلى جور وضنا وأنا اجدر الخُطاب واكتر قلوبه عنا راجيك تقولى حباب يا ...... ريدتى هاك كفنه فالدنيا دون أحباب غيمة الضباب دفنه . ................ التعديل الأخير تم بواسطة بدرالدين ودالعفر ; 06-13-2010 الساعة 02:00 AM |
|
|
|
06-13-2010, 01:33 AM
|
#2 |
|
عضو فعال
تاريخ التسجيل: May 2010
المشاركات: 388
معدل تقييم المستوى: 12 سجل دخولك او إضغط هنا للتسجيل
|
رد: جميع أشعار محمدالحسن سالم حميد
*********** يوت قلبي يدّي قبل تدور طول حبِّي ديمة قَبَل عينيك فضَّل لي بس لبن الطيور ما خِبر بكانو أجيبو ليك لامن زماني عليّ يجور أكمد كياني صبر وأجيك وما ألقى خردلة من شعور طيِّب تخيِّب ظنِّي فيك شقّيش أقبِّل وين أروح وأنا تاني مجروح من وشيك يا غربة ياليل يا نزوح دغش الغبش ما بات وشيك ؟ يا غلبي كلما الليل دخل ياني المغنِّي "النجمة ديك " ولاَّ القِدر يرجى النخل لامِن يشيل قادر عليك يا ريتني خلّيت الرياح في الغربة ترميك بالأسى من قلبي ما دلّيت جناح يحميكَا في ذاك المسا ك ان ما إنجرحت بلا الجراح الفيِّ قبلك أوعسى صبراً عليك محقت و راح يقدر عليها ييبسه جيت لي غرد وأنا قلت بلد لمتنا في المنفى القسى طول عمري لي عينتك مدد حين أحسى غيمتك تحبسه زول حاضري بالصدفة إستراح في ضلِّي أول ما رسى وجكّن جرابو نساني راح وفضَّل ضليلي المانسى ليمونة فوق أزيار سبيل عابث عياني يقصقصه لابدّ من صبراً طويل شان يربى شوكه ويحرس.. |
|
|
|
|
06-13-2010, 01:42 AM
|
#3 |
|
عضو فعال
تاريخ التسجيل: May 2010
المشاركات: 388
معدل تقييم المستوى: 12 سجل دخولك او إضغط هنا للتسجيل
|
رد: جميع أشعار محمدالحسن سالم حميد
ــــــــــــــــــــــــــ**** ** يتعلق قلبك بي زول والزول عن حبّك مشغول تلتاع ولياليكا تطول على قدرِ هواك ما يمتد يتمدد قدّامو عزول .. فوق سكتو حيلك ينهد لا تقرِّب لا تلقى وصول الدنيا قِبالك تنسد على بختك يا يظهر زول وينسيكا مرارات الصد في الزمن الصبري المكتول يا سارتك من قيف الحد تترايم جوّة المجهول لا شرطة لا سلطة ولا حد عن قدرك غيرك مسئول .. .. لكين يوم تصبح مشغول بي تربة أهاليك الجد زي حبة درة في قندول يتعلق قلبك بالشعب في زمن الجهجهة والصلب لا ارتحتَ ولا ارتاح القلب شقيش خطواتك ما تروح ينبح من خلفك كم كلب السجن قصادك مفتوح والمشنقة في أقرب درب لا حزن عليكَ ولا نوح لا إتحزم لي تارك حزب في كفك شايل للروح والروح بتلوِّح للشعب والشعب مغمَّد مطروح بيسمِّع في جداول الضرب هل يطلع باكر مشروح زي طلة بسمة من القلب أم تبقى الزول المسموح لُو يتجوَّل في أسلاك الذرب دا لأنك دغري وبيفوح من بقّك بغضك للحرب.. ياريت تنال رضاكم |
|
|
|
|
06-13-2010, 02:50 AM
|
#4 |
|
عضو فعال
تاريخ التسجيل: May 2010
المشاركات: 388
معدل تقييم المستوى: 12 سجل دخولك او إضغط هنا للتسجيل
|
رد: جميع أشعار محمدالحسن سالم حميد
شوك الشّوق .. لي الشّوفه آ خي ضارب في إطن النسج الحي يا مُنقاش و أحزاني إنشرّت .. وادي الفرح إتمدّدْ صيْ يا راحلين عِنْ دُغُش اللّيل .. ما لاقيتو جناياً زي تكية نخل الفجر الجاسر .. فوق لي المترة عراجين ضيْ يا رعّاوة العرب الرُّحّل .. ما لاقاكم في المطراني في كاويق الجرف الأمحلْ بين أسراب الرهو الرّاحل .. ساند أكتاف اللّيل الميّلْ عِنْ ساساق الغيمة عليكم بين رقراق الخيمة معاكم .. ما أديتوهو شوي بي حَرْجَلْ آ رطانة الليلهم ليّلْ ما لاقاكم في ونساتكم بين الشّادي وبين كاساتكم في صلواتكم .. عِنْ دعواتكم أو دقساتكم عِزْ خلواتكم زول زول الله إن ِمحِن آ بسألْ الهبّاد لي غُلْب اخواتو الفرّاح عوّان الحلِّي الفدّار لي الليل ظلماتو آ نجمات شِقّيشْ قولِنلِّي ما لاقاك طالع مندَلِّي المطعوم من طيبة أمّاتو كالفَجّاج الندّ نباتو موج البحر الأحمر هوجتو وعِرْق العَرَق اللاّوي ثباتو جانا الشُّدَر الأخضر منو ونار الشُّدر الأخضر جاتو راح شقيش أب قولاً واحدْ ليش ما يرجع من غُرباتو طوّل .. طول ما طلّ علينا وقاطع مننا جواباتو الغابات جات تنشد منّو العُربان راجين جيّاتو أديناهم عَلَقو وعَرَقُو وصورتو يقلِّب في كتباتو ضُل رشّاشُو .. ركيزة زولو ساعات سِلْمو ويوم حوباتو سِنْ طوريتو .. ولون أبرولو وحِسْ طمبورو البي نغماتو لهلب عشق النّاس الفُقَرا وبرّد جوفِن .. بغنواتو .. الدّخَلت فينا .. تمرق جينا على جلاّتو وجيداً جينا .. طلقنا وشينا .. ووش أطفالنا الليلة حلاتو غني معانا غُنانا هويتو غني العالم غني حياتو لا ساومنا عليها قضيتو ولا فكّينا من إيدنا وصاتو ألف شليل يا نورا يفوتو شان ما يجيكي شليلك ذاتو ولما يجيكي .. شليلك ذاتو.. |
|
|
|
|
06-13-2010, 02:57 AM
|
#5 |
|
عضو فعال
تاريخ التسجيل: May 2010
المشاركات: 388
معدل تقييم المستوى: 12 سجل دخولك او إضغط هنا للتسجيل
|
رد: جميع أشعار محمدالحسن سالم حميد
ياتو وطن في الكون الواسع دون عينيك راح يبقي وطن وياتو سكن في الدنيا الغنوة دون عينيك راح يبقي سكن ياتو شمس راح تشرق تطلع لو عينيك بادمعة بكن وقام منديلك.....غازل خدك غطي عيونك....غصبا عنك هاج منديلك..اغمي عليهو..وقع من ايدك ومن الدهشة الفيهو رطن ياتو وطن؟؟ تعرفي ناس عنتر حبو؟ وليلي وقيس ضاقوها محن ؟ اصل القصة عيونك انتي كانت نجمة تضوي سماهم وكانت كل كلمات الالفة مسطرة فيها كان عاشقين السما والنجمة عبدو النجمة لانك انتي وانو السما في ذاتا ملابسك كيرت بيهم احلام حبك وقام رسموك في كل قصيدة عيون بتحدد نوع القصة وقصة تعبر عن تحديدك كرسي وكنبة ورحلة طلبة يزورو النيل والموية العزبة يلاقو النيل كان دمعك انتي واصل الرحلة.......... دهشة وخلعة يوم عينيك بالدمعة بكن وقام كنديلك.....غازل خدك غطي عيونك.....غصبا عنك هاج منديلك......اغمي عليهو ومن الدهشة الفيهو رطن قريش يوم عبدت الله حجار كان فاقدين لي حنك وعطفك عبدو اللات والعزة وغيرن حج وطواف تقديس ووهن انا سويتك نفس القصة احلي يمين من احلي وثن قلت اذوب في حبك راهب واعبد الله الرسمك جوة واقفل بعدك محراب حبك واقعد جوة احبك واعبد..احبك واعبد..احبك واعبد..احبك واعبد..احبك واعبد..احبك واعبد..احبك واعبد.. وارسم دنيا تكون ترنيمك واصنع دنيا تكون تحديدك واكتب في عنوان دنيانا مافي وطن في الكون الواسع دون عينيك راح يبقي وطن ومافي سكن في الدنيل الغنوة دون عينيك راح يبقي سكن . |
|
|
|
|
06-13-2010, 11:20 AM
|
#6 |
|
عضو فعال
تاريخ التسجيل: May 2010
المشاركات: 388
معدل تقييم المستوى: 12 سجل دخولك او إضغط هنا للتسجيل
|
رد: جميع أشعار محمدالحسن سالم حميد
من حقي أغني .. أغني لشعبي .. ومن حق الشعب عليّ لا بي إيدك تمنع قلبي .. ولا قلبي كما بايديا علمني أغني .. الطين .. المخرطه .. والطورية الناس الصابرة .. سنين بالحالة .. الما دغرية القابضة الجمرة في إيدا .. والجمرة تلهلب حية لا قادرة الجمرة تقيدا .. لا قادرة تولع هيّ يا قلبي بلاش نستعجل .. في الدرب شوية شوية واصلين الما بتأجل .. لليوم الشمشو قوية علمني الشوق نترجل .. نستحمل وجع الجية لا القش بيهاب المنجل .. لاطب .. النار .. الكيه يا صقر الآه يا ريح .. لا تنفض عش قمرية من حقو يغني صريح .. ذرية ورا ذرية ومن حقي أغني العالم .. إبداع وعلم حرية إنساني شعوب تنسالم .. تنسالم بي حنية على نخب الود نتنادم .. لا جنس ولا لونية لا عِرق لا آه نتقادم .. سكتنا بياض النية مش كلنا جينا من آدم .. مش آدم ابو البشرية السجن إذاً يترايم .. نبنيها قلاع ثورية عقبال الخير يترادم .. والدنيا تمش دغرية مد كفك يا بني آدم .. حرية سلام حرية |
|
|
|
|
06-13-2010, 11:35 AM
|
#7 |
|
عضو مميز جداً
تاريخ التسجيل: May 2010
المشاركات: 294
معدل تقييم المستوى: 11 سجل دخولك او إضغط هنا للتسجيل
|
رد: جميع أشعار محمدالحسن سالم حميد
كلم بنيات الجرف تتبره من بحرآ غدر اتغابى ما راعى الولف صاد الإخيتين بي قدر ليك حق يعافيك الحراز ، واليصتفيك طرف وعشر يا متوك الناس العزاز ، ونابع قليبك من حجر ما بتنفع انت بلا الخريف والصاقعه والريح والمطر تنزف نزيف ما يحوشو قيف لامن يقولو عليك خطر ما اظن نخيلك هز فوق شيلة عريس نازل البحر ما طال موجك ما بضوق لا يضوق الناس غير كدر عودنلو قشكن النشف يدغي ورويسات السعف مكسور خويطرا في قحف ترغي وتسف ملح الأسف عودنلو والسنبر يرف جنحاتو بالأشواق سحر قاصد جريف ود شيخ يخف لي مويتو من دون البحر والليله زي غيمآ رعف حين طال علي ريح السفر يا حليلو زينا ما عرف جوز القميريتين طفر يا دنيا يانا ربات كتف رغم الفجايع لا رجف لا قال عوارضي ابت تخف وفي بالو كم تاريخ سلف لو كان يشيل في الموت زرف دمعات اسى وحرقه واسف او بالعلي الحال اعترف كان عن رسول الله وقف كلم بنيات الجرف وكل المكاليم من طرف هي الدنيا كلها كم حرف لامن يطول فيها الأسف |
|
|
|
|
06-13-2010, 11:45 AM
|
#8 |
|
عضو مميز جداً
تاريخ التسجيل: Mar 2010
الدولة: السودان
العمر: 28
المشاركات: 150
معدل تقييم المستوى: 12 سجل دخولك او إضغط هنا للتسجيل
|
رد: جميع أشعار محمدالحسن سالم حميد
|
|
|
|
|
06-13-2010, 12:03 PM
|
#9 |
|
عضو فعال
تاريخ التسجيل: Sep 2009
الدولة: السعودية
المشاركات: 581
معدل تقييم المستوى: 15 سجل دخولك او إضغط هنا للتسجيل
|
رد: جميع أشعار محمدالحسن سالم حميد
__________________
أحمد الأمين |
|
|
|
|
06-13-2010, 12:46 PM
|
#10 |
|
عضو فعال
تاريخ التسجيل: May 2010
المشاركات: 388
معدل تقييم المستوى: 12 سجل دخولك او إضغط هنا للتسجيل
|
رد: جميع أشعار محمدالحسن سالم حميد
مهند لك خالص ودي يارائع. الكعيرو مبعوتالك عشرة جنية والأشواق من هنا لاعندك |
|
|
|
|
06-13-2010, 01:10 PM
|
#11 |
تاريخ التسجيل: May 2008
المشاركات: 3,187
معدل تقييم المستوى: 25 سجل دخولك او إضغط هنا للتسجيل
|
رد: جميع أشعار محمدالحسن سالم حميد
عندو قصيدة عن ناس الاورنيش افتكر كدة شوفها وين تحياتي |
|
|
|
|
06-13-2010, 03:58 PM
|
#12 | |||||||||
|
عضو مميز جداً
تاريخ التسجيل: Mar 2010
الدولة: السودان
العمر: 28
المشاركات: 150
معدل تقييم المستوى: 12 سجل دخولك او إضغط هنا للتسجيل
|
رد: جميع أشعار محمدالحسن سالم حميد
عشمتنا وخلاص مشكووووور يا سيدى
__________________
|
|||||||||
|
|
|
|
06-13-2010, 08:17 PM
|
#13 |
|
عضو فعال
تاريخ التسجيل: May 2010
المشاركات: 388
معدل تقييم المستوى: 12 سجل دخولك او إضغط هنا للتسجيل
|
رد: جميع أشعار محمدالحسن سالم حميد
يا الحاضر الغايب في الدنيا ما جايب خبر المدينة الكان على رغم ما فيها من فاقة من حرمان مرات اياديها تعطف على الإنسان بي فكة في قروشا بي كلمةً طيبة بي فضلة في مطعم او برتكانايتاً ضرباني في كوشة والليلة بانت زي بيتاً في آخر الحي ناساتو منبوشة يا جرحنا الهايم طول النهار حايم يلبد إذا ما شاف صحبانو مكشوشة يضحك إذا الكومر قبل على كوبر ولا المديرية ينمطق الفرحة بس فرحة مغشوشة إن تنجا من كشة دردير وتلتيلة كيف تنجا من جوعة من بردها وليلا عزت برنداتا واوكارها مطروشة بيت الله قافلنو مستشفى غافرنو ساحاتو مرشوشة كم يوم يعز النوم رغماً عن المشموم والدوخة والدوشة دي مدينة ما هيلك مافي البيشبهلك ما في البناديلك لافي البخاويلك غير ناس أحاويلن قطعن أحاويلك أصحابك الساعتك لا بد يعاينولك صمتاً يجيبولك باكر تلاقيهن في وجبة فوق كوشة جنب مجرى يحكولك ودونا لي ضابط كالعادة وانكفرن قال وين أوديهن والعندي ما قادر بالموية أكفيهن والعسكر أدونا سوطين وفكونا كالعادة يا اخونا حيكومة مربوشة دايرين شغل مافيش غير نغسل العربات غير نضرب الاورنيش عتالة جرسونات شغلاً ما يوكل عيش وبالحالة دي الكشة بلدية والبوليس مرات يجيك الديش ما يقبضوا الباعوض ما يقبضوا الضبـــان والما بدور فتيش الارزقي السمسار إشمعنى نحنا وليش إحنا الحرامين ولا البدسو العيش الزول يخاف يكفر يرجع يقول معليش شقيش نقع شقيش حتى السجن مافيش مافيش يا عيوشة من تكبري آهة وآه وآدم بدور حواه الطيرة بي عشوشة الفارة بي جحارة الكل بي مأواه وهنا في إبن آدم تاه ملجاه أرض الله لا أوضة لا حوشة يا أبونا يا الأسود يا أمنا القرقد يا داجي وين نرقد جاك المحل قاسيت لامن هجرت البيت فض المطر صديت أو صددوك غصب دارك لقيتا حرب كرت عليك فريت كان مافي غير تنفد بي لونك الأسود بي شعرك القرقد وبي فالك الشامخ زي تاج أبو الهدهد لامن يطير في الجو من ها المدن ينفد حاشاك من عيب تب لي شينة ما ختيت دغري وعراض إيديك بس كفها إتعود في الأرض يرمي الحب ما قنبلة وديناميت جيت المدن لاقيت من سيدا ما لاقيت تحرس عماراتو علشان تمسي تبيت ويتربو زي ما ربيت كم للعرق شديت زوغت أمن كريت جاملت جاراتو وأو تتم ترحل لي سيد خلاف السيد يتغيروا الأسياد لكنو نفس القيد نفس الربط ذاتو يا ماشي دون راس خيت وين كنت لما الناس إنقسموا***** في مدن تجز الراس كان زولو ما طاطا كت مافي ولا أبيت واصبحت مقطوع راس زي ديل كتير من ناس لا أوضة لا ضل بيت وفتحنا لاقيناك أول ما شالنا الحيل بالراحة في ذات ليل يا أبونا خليناك خففنا ليك الشيل |
|
|
|
|
06-13-2010, 08:53 PM
|
#14 |
|
عضو فعال
تاريخ التسجيل: May 2010
المشاركات: 388
معدل تقييم المستوى: 12 سجل دخولك او إضغط هنا للتسجيل
|
رد: جميع أشعار محمدالحسن سالم حميد
هردت لهاتي بالغنوات ... وقُتْ يبرد حشاك يا امي ومن التعب البلا صالح .. تفيقي .. تروقي ... تنجمِّي تسوي مكانسك المطرة .. تضوي البيت وتنحمي تمرقي صبوحة للجيران ... قدح فوق ايد وفي ايد أَلمْي يلاقوك شُفّع الكُتّاب نُضاف وظُراف بلا النّسْمي ويغنولِك ... يغنّولِك غناوي السّابْ وفي بيّوضة مافي سراب جبال كَجَبي وفيافي الكاب ... تميد بالخضرة منقسمي ولا غابار .. ولا هو سحاب .. وتنهجمي من الدّهشة وتحاحيهُن ... غناكُن نيي ... غُنا الوهمي ويهتفوا زي كلاب الحي .. على الأغراب حوافي الصّي وبيوضة البراسيم فيها مفروضة خدارا يراري شوف عيني على الأبوابْ قماريها وحواريها وطواريها بقت روضة .. بقت تشرب من الحامدابْ تشربي عافيي من إيديّ ... تدوي اليوية بي حشمي تسوّي السّي وتبتسمي تشوفي رهاب بُعُد نجمي واشوفو قريب قُرُب نضمي اشوف العالم التحتاني .. هيلا هوب وقف ناهضْ دكّ عمايد الفوقاني ... جوه الُّجب رمى العارضْ وفي السابو الدمار أفراق عريق الحب نبض قابضْ متل قبض الحروف في اسمي غناوينا القبيل رقراق علينا تصب برد قارضْ أَلُكْ طيناتا من دمّي .. وارمِّلها من عصب عشاق .. أنط تُلُّبْ واجيك عارضْ واجر نمي أدودي لهاتي بالغنوات ... عقب يبرد حشاك يا امي تسوي السي وتبتسمي تسمِّي الشعب وتعتصمي بحبل الشعب تتفرق ظلمةً فيها تتحرق .. صُرُمةً قالوا ليك قسمي أدودي لهاتي بالغنوات عقب يبرد حشاك يا امي ت قلبي الكلمة بي الكلمي ضراعك يرمي ما يدمي تقيفي بعيد عن الشمات تكوني اقرب لي من اسمي واضمك بارتياح يا امي أحبك صاح وصاح حلمي ولاكي سعية للضباح ولا شمش الصباح حزمي ولا كتف السلاح سواح ولا نزف الجراح ألمي هيا انحزمي .. هيا انخلقي .. هيا انعتقي .. متين مو دايرة ري تسقي ولا في إيد النزيف نبقى ... ولا في إيد الخريف تبقي ولا الفيضان يبضِّع بِكْ .... ولا في القيفة تنهدمي ولا ان جات حاره تنهزمي ولا يغشى الغلب قلبك ولا تشقي ولا انت تخافي لا تدمي ضراعك يرمي ما يدمي فيا حزن البلد عوك كَرْ ويا سعد الولد ضَرْ ضَرْ ... مع النسمي ولي قيمة العمل عمي .. وافتحي ظلمتك للضي سِنِّي على النضال إيدي سوِّكي بالهتاف فمي شوارعك لي دويها علي اذا ما اخر العلاج الكي ... مراويدك حمر صمي مراويدك حمر يا امي بليلتي ولا ضبايح طي قليلتي ولا كُتُر سّمي وطني ولا ملي بطني سكاتي ولا الكلام الني سلام يا امي .. سلام يا امي .. سلام لا هكمي لا دكمي |
|
|
|
|
06-14-2010, 01:03 AM
|
#15 |
|
عضو فعال
تاريخ التسجيل: May 2010
المشاركات: 388
معدل تقييم المستوى: 12 سجل دخولك او إضغط هنا للتسجيل
|
رد: جميع أشعار محمدالحسن سالم حميد
القلبِ يشوف قبّال العين من قبلِ أقابلك شفتك وين في ياتو عريس مخضر إيدين بين حضنو حلم يلصف لا وين والناس في الدارة إتنين إتنين كل خطوة تشيله عديلة وزين قوق قمريتين فوق كروقتين قيساب الشوق نوريقو متين يا رش الغيم يا ريحة الطين يا بختي أنا وكل الصابرين يا زول يا زين أنا شفتك وين في ياتو صباح باهي ووضّاح الطير صدّاح للزهر الفاح صفق البرسيم للطل مرتاح والناس أرواح في حضرة راح العشق الدغري العذري الصاح يا قومة بدري وفوتة الدار من أجل حلم راجنو صغار في ياتو محطة غشاها قطار إندهده فيها وقضّى نهار حس العمال تحت الأمطار الربط الخط ما فكَّ الخط يا كم في الخط هيلا وأنفار والناس النار أم قلباً حار فتحوها بيوتن للسفّار الزول الوافي العوّافي يدِّيك العافي من المافي وما يأخد إلاّ الأخبار لاقيتك آهن لاقيتك في سرِّي ندهتك ولبيتك مع إنِّي ولا خابر إسمك لا الجيهة المنها لابيتك إنت الإنسان الغنيتك إتمنوا الناس إتمنيتك يا ريتك تخبر ياريتك كم صبرِ وعشم إستنيتك لو قبلِ أقابلك ما شفتك ما كان في حزَّتي حبيتك أنا وإنت قبل ده إتلاقينا شقِّينا على الدنيا جداول جبدنا زمانا الكان عاول والعالم سوِّينا جنينة يا رشة غيمة عتاميره ربّة عربان وطنابيره قندول الشوق الحين لبّن جاب لي بيّوضة عصافيره يا ريح الزنج إذا اشتاقت تفتِق بأنفاسه مزاميره يا القمحة السمحة المدخورة قسِّيبته قلبي مطاميره أنا شفتك وين ؟؟ قبلِ أقابلك بين دنيا الريد ومقاديره |
|
|
|
|
| الكلمات الدلالية (Tags) |
| محمدالحسن, أشعار, يأخد, جميع, سالم |
| كاتب الموضوع | بدرالدين ودالعفر | مشاركات | 36 | المشاهدات | 32544 |
|  |
| انشر الموضوع |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 6 ( الأعضاء 0 والزوار 6) | |
| أدوات الموضوع | إبحث في الموضوع |
| انواع عرض الموضوع | |
العرض العادي
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| الى جنات الخلد محمد سالم حميد | الهادى عبدالله | الترحيب والتهاني والتعازي | 2 | 07-25-2012 10:25 AM |
| اراد الله ان يهدي والد سالم على يد ابنه سالم | خالد بابكر محمد حمد النيل | المنتدي الإسلامي | 2 | 07-13-2010 08:59 AM |
| هل أسعار النفط مرتفعة | نبضي هلال | المنتدى السياسي | 4 | 07-12-2008 07:37 PM |
^-^ جميع آلمشآركآت آلمكتوبهـ تعبّر عن وجهة نظر صآحبهآ ~
الساعة الآن 08:01 PM بتوقيت مسقط