::  إظغط هنا  :: ::  إظغط هنا  ::

العودة   منتديات الهلالية - السودان > الأقــســـام الــعـــامــة > منتدى الحوار العام

منتدى الحوار العام للنقاش الهادف والبناء والمواضيع العامه

كلمات بالعامية للفاتح جبرة مهداة للأديب القاص بدر الدين ود العفر

بسم الله الرحمن الرحيم : أفعال رباعية عامية للكاتب / الفاتح جبرا مهداة للأديب القاص بدر الدين ود العفر منقول للفائدة


إضافة رد
 
أدوات الموضوع انواع عرض الموضوع
قديم 06-25-2010, 01:41 AM رقم المشاركة : 1
أبو زمام
عضو عبقرى
 
الصورة الرمزية أبو زمام
إحصائية العضو









أبو زمام غير متواجد حالياً


16 
مجموع الاوسمة: 1 (أكثر» ...)

افتراضي كلمات بالعامية للفاتح جبرة مهداة للأديب القاص بدر الدين ود العفر

أنا : أبو زمام




بسم الله الرحمن الرحيم
:


أفعال رباعية عامية

للكاتب / الفاتح جبرا


مهداة للأديب القاص بدر الدين ود العفر


منقول للفائدة

برطع :البرطعة هى الجرى فى الفضاء بلا قيود أو موانع .. يقولون ان فلاناً بعد أن أمسك بزمام المسئولية فى المصلحة أصبح يبرطع فيها ساااى أى اخذ يفعل ما بدا له بصورة (حرة) دون قيود أو موانع (مفيش حد بيسألو)


فنجط: الفنجطة هى حالة تصيب (الحمير) وهو نوع الجرى بصورة غير منتظمة وغير متناسقة وغير مدروسة (إذا أردت أن تشاهده فتفرج على أحدى مباريات القمة)!



صنقع: صنقع الرجل أى رفع رأسه فوق (زى العاوزين يكبو ليهو قطرة فى عيونو)..



[size="6"]دنقر: عكس (صنقع) ودنقر الشخص رأسه أى خفضه (زى القاعدين يحلقو ليهو) ودنقير الرأس نحو الأرض دليل على الخجل والإنكسار لكن (حرامية) اليومين ديل حكمت الله زول بيدنقر راسو مافى![/size]



فرتق: فرتق الشئ أى جزأه وقسمه بعد إجتماع كقولك تفرتقت الأحزاب المعارضة إلى أجنحة .. (هى بدون أجنحة ما عاملا حاجه) أو كقولهم (فلان) فرتق الحفلة أى إفتعل شجاراً فقام الفنان شال عدتو ومشى!



كنكش : كنكش فى الشئ اى قبض فيهو قبضة (الجن ما يفكها منو) ككنكشة بعض المسئولين فى مناصبهم
.



سردب: السردبة يقال انها فى العامية هى أعلى الظهر وسردب الشخص اى وقف منحنياً دون حراك علامة عدم تفاعله وإكتراثه للأمر .. كقولهم (والله الحياة بقت صعبه لكن مسردبين ليها)..



هضرب: الهضربة هى الهذيان والكلام (الخارم بارم) الذى يتفوه به الشخص عندما تتملكه الحمى ويمكن للشخص أن يهضرب (بدون حمى) إذا ما واجه موقفاً صعباً كتلك الزوجه التى سمعت أن زوجها قد قام بتطليقها فقالت : عادى ما مشكلة بس خلوهو يطهر ليا البيت ويضرب ليا الأولاد جير!



مزمز: المزمزة هى تناول الطعام فى لذة وتأنى خاصة (المشويات) والمحمرات والمتبلات والمقمرات وكده ! (معقولة الزول يمزمز بى بوش؟)..



زرقن: الزرقينة هى أداة تستخدم فى ورش الحدادة والنجارة لكبس القطع وضغطها ويقولون ان فلاناً قد زرقنوهو فى التحقيق زرقنة شديدة (أكيد ما عندو ضهر)..



طربق: الطربقة هى الكلام الكتير دون فائدة يقولون فلان طرباق أى (رادى وإتفتح) والطربقة من الممكن أن تصاحبها (هضربة) كما شهدنا فى لقاءات المرشحين فى الموسم الإنتخابى الأخير.. مافيش تانى حاجة إسمها (بايركس).. أنا ح أقفل ملف العنوسة فى السودان نهائي .. ما بعرف شنو داك ( أها هسى فزتا يلا ورينا)..



سلفق: السلفقة هى الحصول على المبتغى دون إستحقاق .. كقولهم والله الزول ده وصل نايب مدير سلفقة ساااكت (ما سلفقة كيف إذا هو كان شغال فى البوفيه)..



عصلج: يقولون (الصامولة) عصلجت بمعنى أنها أبت أن تنفك من (المسمار) ووقفت فى حتة واااحدة .. وفلان راسو (معصلج) أى لا يقبل التفاهم.. والموضوع معصلج أى واقف فى محلو وعاوز ليهو (ضحاكات) تحركو شوية!



خرخر: الشخص (الخرخار) هو ذلك الشخص الذى لا يتقبل الهزيمة أثناء اللعب ويغالط فى مجريات اللعب والنتيجة ولا يمتثل لقانون اللعبة وربما قام ببعض المخالفات حتى يكون الفوز من نصيبو (وكده)!



حندك: يقولون ان فلاناً قد حندك فلاناً إذ أخذ الأول فى التلذذ بشئ أمام مرأى ومشهد الأخير دون أن يكون للأخير مقدرة التلذذ بذلك الشئ .. وشعب (محندك) إذ كان معظمه يرى القلة تتلذذ (وهو قاعد يعاين)!



طمبج: طمبج الشئ أى (زادو مويه) أكتر مما يجب ، وشوارع وساحات (مطمبجة) بالمياه يعنى (مليانة موية) .. ما الخريف (زى ما بنقول طوااالى ) جا شنو؟ .... فجأتن!!



بشتن : بشتن الشئ أى زاده قبحاً والشخص المبشتن هو ذلك الشخص الذى يرتدى ثياباً قبيحة بالية غير متسقة والشوارع المبشتنة (زى شوارعنا دى)!



حمبك: أنظر خرخر..



عنقد: العنقدة هى أن يحول شخص أو شئ دون إكمال موضوع ما كقول أحدهم: والله كنت جاييك لكن بس ناس المرور عنقدو ليا (عربيتو ما مرخصة)!



جهجهة: جهجة الشئ اى (أفقده البوصلة) وخلاهو ما عارف الإتجاهات مما جعله يفقد السيطرة على الأشياء..
كقول أحدهم: يا ناس وزارة الصحة بالله ما تجهجهونا.. الإسهالات الحايمه دى جايباها المويه وإلا دى (إبتلاءآت ساااكت )!



كسرة:
ناس المواسير و(الكسر) خلو لينا حاجة نكسر بيها؟


مع تحياتى لك أخى بدر الدين لا يو جد اجدر منك فى إستخدام هذه الكلمات



;glhj fhguhldm ggthjp [fvm li]hm ggH]df hgrhw f]v hg]dk ,] hgutv hgrha








أكتب تعليق على الموضوع مستخدماً حساب الفيس بوك

تسهيلاً لزوارنا الكرام يمكنكم الرد ومشاركتنا فى الموضوع
بإستخدام حسابكم على موقع التواصل الإجتماعى الفيس بوك


    رد مع اقتباس
قديم 06-25-2010, 02:01 AM رقم المشاركة : 2
مهند احمد
عضو مميز جداً
 
الصورة الرمزية مهند احمد
إحصائية العضو










مهند احمد غير متواجد حالياً


افتراضي رد: كلمات بالعامية للفاتح جبرة مهداة للأديب القاص بدر الدين ود العفر

أنا : مهند احمد




سلامى وتحياتى الاستاز ابو زمام

تسلم على المكتبه الرائعه دى

وتحياتى للغالى دوما بدر الدين






    رد مع اقتباس
قديم 06-25-2010, 04:14 AM رقم المشاركة : 3
الرشيد ودالكديوة
عضو ساحر عبقرى
 
الصورة الرمزية الرشيد ودالكديوة
إحصائية العضو









الرشيد ودالكديوة غير متواجد حالياً


افتراضي رد: كلمات بالعامية للفاتح جبرة مهداة للأديب القاص بدر الدين ود العفر

أنا : الرشيد ودالكديوة




مشكــــــــــــــور أبوزمام أخــــــــــــــــوي
كلمات جميله ومعانى رائعــــــه
تسلم لينا إنتَ
العافيه ليك
وجمعه
مباركه






    رد مع اقتباس
قديم 06-25-2010, 07:50 AM رقم المشاركة : 4
رميساء الروح
عضو متألق
 
الصورة الرمزية رميساء الروح
إحصائية العضو










رميساء الروح غير متواجد حالياً


إرسال رسالة عبر Yahoo إلى رميساء الروح

افتراضي رد: كلمات بالعامية للفاتح جبرة مهداة للأديب القاص بدر الدين ود العفر

أنا : رميساء الروح




مشكور كتير أستاذي أبو زمام
والله يديك ألف عافيه






    رد مع اقتباس
قديم 06-25-2010, 10:45 AM رقم المشاركة : 5
جماع مسعود
عضو ساحر جداً
 
الصورة الرمزية جماع مسعود
إحصائية العضو









جماع مسعود غير متواجد حالياً


افتراضي رد: كلمات بالعامية للفاتح جبرة مهداة للأديب القاص بدر الدين ود العفر

أنا : جماع مسعود




عمو ابو زمام يارائع تحايا صباحيه ممزوجه بدعوات طيبه
تتمنى لك حياة مليئه بالسعاده
(وجمعه مباركه)
وتحيه الى ذاك الرائع المبدع بدر هلاليه الهلا
هذا الرجل الذى كان يجهله الكثيرون
لكنك يابدر والله لا اعرف ماذا اقول لك
فعلاً صدق من قال (المابعرفك بجهلك)
فهنيئاً لنا بك يا قامه

عمو كلمات ومعانى جميله وهى تمثل حياتنا
وهذه موروثاتنا وباقين عليها ماحيينا

دمتم بكامل الــــــــــود






    رد مع اقتباس
قديم 07-03-2010, 02:33 AM رقم المشاركة : 6
بدرالدين ودالعفر
عضو فعال
 
الصورة الرمزية بدرالدين ودالعفر
إحصائية العضو








بدرالدين ودالعفر غير متواجد حالياً


افتراضي رد: كلمات بالعامية للفاتح جبرة مهداة للأديب القاص بدر الدين ود العفر

أنا : بدرالدين ودالعفر




استاذي الجليل وقفت هنا مطولا مندهشا من هذا الابداع استاذي ابوزمام اسف شديد والله علي عدم ردي ولك العتبي حتي ترضي وانا مازلت اتتلميذ وانهل من نهر ابداعك الذي لاينضب دمت لنا والله يخليك لينا يارب...

وهاك دي بعض مصتلحاتنا السودانية.
المرحاكة : حجر يستعمل في طحين الذرة
المعراكة : قطعة من القماش يمسح بها الصاج
الويقود : القش والحطب لاشعال نار العواسة
الفزعه : تكاتف اجتماعي سائد لمساندة فرد في الجماعه
الوردة : ارتفاع حرارة جسم الانسان ومنها الحمى والسهراجة
السرحة : مكان ملئ بالعشاب لاكل البهائم
التكل : بنايه من القش لاعداد الطعام ( المطبخ) ومنها الكشاشه
وهي غالبا للعواسه
المطموره : حفره يحفظ فيها الذره لفترات طويله
السحاره : صندوق من الخشب يوضع في البيت لحفظ المواد والاشياء
المتلة : غصن من الشوك ينصب الشرك تحته بعد وضع قليل من الذرة لصيد الطيور
دخان عزبات : نوع من العصافير الجميله ذهبية اللون وراسها اسود
التبروقة : صلايه مصنوعه من السعف
الضريسة : نوع من الشوك



النملية: دولاب لحفظ ادوات المطبخ
مترار: جهاز يدوي لغزل الخيوط
برطوش: حذاء
الاستبالة: المستشفى
سبلوقة: مجري تصريف المياه في راس البيت
السهلة: الحوش، ساحة كبيرة داخل البيت
القرقاب ... قطعة قماش يلف بها الجسم من اسفل

الوقة ـ وحدة وزن ...استعيضت بالكيلو لاحقا.
الدقة ـ هي أول المريسة وأكثرها كثافة وطعما.
العسلية ـ بت خالت المريسة مشروب مسكر يصنع من السمسم.

يااستاذ ابوزمام . خنتيلة يعني شنو؟

تاني بجيك صاد






    رد مع اقتباس
قديم 07-03-2010, 03:13 AM رقم المشاركة : 7
أبو زمام
عضو عبقرى
 
الصورة الرمزية أبو زمام
إحصائية العضو









أبو زمام غير متواجد حالياً


16 
مجموع الاوسمة: 1 (أكثر» ...)

افتراضي رد: كلمات بالعامية للفاتح جبرة مهداة للأديب القاص بدر الدين ود العفر

أنا : أبو زمام




ههههههههههههههههههههه
عارفك ما بتقصر يا صديقى العزيز
لكن خنتيلة دى أول مرة اسمع بيها
وصاد ده شنو غير حرف الصاد؟






    رد مع اقتباس
قديم 07-03-2010, 02:11 PM رقم المشاركة : 8
بدرالدين ودالعفر
عضو فعال
 
الصورة الرمزية بدرالدين ودالعفر
إحصائية العضو








بدرالدين ودالعفر غير متواجد حالياً


افتراضي رد: كلمات بالعامية للفاتح جبرة مهداة للأديب القاص بدر الدين ود العفر

أنا : بدرالدين ودالعفر




صاد يعني بجيك عقب بضم العين وصد بضم الصاد يعني ارجع.
بس صاد . يا أستاذي انا زمان لما اكون ماش مع حبوبتي بتقول لي صد بضم الصاد وتشديد الدال.
ومعقول تفوت عليك حاجات زي دي.
وبجيك صاد عقب لموضوع الخنتيلة.






    رد مع اقتباس
قديم 07-03-2010, 05:30 PM رقم المشاركة : 9
محب الهلال
عضو مميز جداً
 
الصورة الرمزية محب الهلال
إحصائية العضو








محب الهلال غير متواجد حالياً


افتراضي رد: كلمات بالعامية للفاتح جبرة مهداة للأديب القاص بدر الدين ود العفر

أنا : محب الهلال




شكرا لك (تحياتي)






    رد مع اقتباس
قديم 07-04-2010, 06:31 AM رقم المشاركة : 10
ودالحلبي
عضو فعال
إحصائية العضو









ودالحلبي غير متواجد حالياً


افتراضي رد: كلمات بالعامية للفاتح جبرة مهداة للأديب القاص بدر الدين ود العفر

أنا : ودالحلبي




يا سلام .. والله الواحد كان ليهو زمن ( مشتهي )
يسمع الكلام العامي ده خصوصاً كلام الحبوبات
لكن أظن في كلمات كتيرة محتاجة لترجمة
لبعض الناس ( أولاد المصارين البيض ) مثلاً
يحتاجو لدعم .. برضو كمان اللغة دي مرات نطقها
قد يخالف كتابتها لذا ( نرجو ) مراعاة التوضيح
زي ( بدرالدين ) يقول ليك هذه ( بضم أو فتح الحرف )
وكده .. كل الشكر .. وما طول الغيبة ..






    رد مع اقتباس
قديم 07-04-2010, 08:27 AM رقم المشاركة : 11
بدرالدين ودالعفر
عضو فعال
 
الصورة الرمزية بدرالدين ودالعفر
إحصائية العضو








بدرالدين ودالعفر غير متواجد حالياً


افتراضي رد: كلمات بالعامية للفاتح جبرة مهداة للأديب القاص بدر الدين ود العفر

أنا : بدرالدين ودالعفر




المصارين البيض يعني قصدك الحناكيش وبعدين هو اساسا حاجات زي مامرة علي نهائي لامشي بلدات والجروف ولا صرر الغنم ولا رضع بهم . بس كدي وريني تلاقي وين.. ومشكور كتير اخي ودالحلبي
وهاك النكتة دي
قاليك شباب عزابة قاعدين فى غرفه قاعد معاهم سعودى
واحد من الشباب طلع و قفل الباب وراهو
الشباب قالو ليهو :
ما تقفل الباب تاكى متاكا
السعودى قال ليهم :
و الله يا السوادانة طلعتو البترول و صرتو تتكلمو باليابانى






    رد مع اقتباس
قديم 07-05-2010, 04:34 AM رقم المشاركة : 12
ودالحلبي
عضو فعال
إحصائية العضو









ودالحلبي غير متواجد حالياً


افتراضي رد: كلمات بالعامية للفاتح جبرة مهداة للأديب القاص بدر الدين ود العفر

أنا : ودالحلبي




اقتباس:
المشاركة الأصلية كتبت بواسطة بدرالدين ودالعفر عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
المصارين البيض يعني قصدك الحناكيش وبعدين هو اساسا حاجات زي مامرة علي نهائي لامشي بلدات والجروف ولا صرر الغنم ولا رضع بهم . بس كدي وريني تلاقي وين.. ومشكور كتير اخي ودالحلبي
وهاك النكتة دي
قاليك شباب عزابة قاعدين فى غرفه قاعد معاهم سعودى
واحد من الشباب طلع و قفل الباب وراهو
الشباب قالو ليهو :
ما تقفل الباب تاكى متاكا
السعودى قال ليهم :
و الله يا السوادانة طلعتو البترول و صرتو تتكلمو باليابانى
هههههههههههههه
الله يجازي محنك .. دي جبتها من وين ؟؟
وبعدين بابو ده باب ( غلق ) واللا شنو ؟
وبمناسبة الصرار دي ( طبعاً بضم الصاد ) قلت لواحد
معانا هنا ( مدعي ) الحنكشة .. بتعرف الشكيمة ؟
قال لي كيييييف مش سب الوالدين .. ضحكتُ في
نفسي وقلت نص حياتك ضايعة ..
لك التحية ..






    رد مع اقتباس
قديم 07-05-2010, 01:17 PM رقم المشاركة : 13
أبو زمام
عضو عبقرى
 
الصورة الرمزية أبو زمام
إحصائية العضو









أبو زمام غير متواجد حالياً


16 
مجموع الاوسمة: 1 (أكثر» ...)

افتراضي رد: كلمات بالعامية للفاتح جبرة مهداة للأديب القاص بدر الدين ود العفر

أنا : أبو زمام




اقتباس:
المشاركة الأصلية كتبت بواسطة بدرالدين ودالعفر عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
صاد يعني بجيك عقب بضم العين وصد بضم الصاد يعني ارجع.
بس صاد . يا أستاذي انا زمان لما اكون ماش مع حبوبتي بتقول لي صد بضم الصاد وتشديد الدال.
ومعقول تفوت عليك حاجات زي دي.
وبجيك صاد عقب لموضوع الخنتيلة.
استاذى بدر الدين لا زلت فى انتظارك لمعرفة الخنتيلة
ويمكن انت بتكركنج فى معنى الكلمة وما قادر لان المعانى لسع ما جمت
ولمن يجم معنى الخنتيلة بعد كده تكركنجه .... اها لغاية ما تقول معنى خنتيلة كده ورينى كركنج يعنى شتو
وجم يعنى شنو؟؟
ولك تحياتى استاذى الكريم






    رد مع اقتباس
قديم 07-23-2010, 12:27 AM رقم المشاركة : 14
بدرالدين ودالعفر
عضو فعال
 
الصورة الرمزية بدرالدين ودالعفر
إحصائية العضو








بدرالدين ودالعفر غير متواجد حالياً


افتراضي رد: كلمات بالعامية للفاتح جبرة مهداة للأديب القاص بدر الدين ود العفر

أنا : بدرالدين ودالعفر




الحبيب الغالي دوما استاذي ابوزمام والله حيرتنا عديل بكركنج دي شكلها كيدا بتجمع في الكلام ولا مدينة في الصين. اما بالنسبة لي جمت يعني جات معاي وانت ادري طبعن. وياريت توضح لي.

الخنتيلة طبعن لوصف السودانية الجميلة الفارعة عوضا" عن المزمزيل و البارونة .






    رد مع اقتباس
قديم 07-23-2010, 04:21 AM رقم المشاركة : 15
ودالحلبي
عضو فعال
إحصائية العضو









ودالحلبي غير متواجد حالياً


افتراضي رد: كلمات بالعامية للفاتح جبرة مهداة للأديب القاص بدر الدين ود العفر

أنا : ودالحلبي




اقتباس:
المشاركة الأصلية كتبت بواسطة بدرالدين ودالعفر عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
اما بالنسبة لي جمت يعني جات معاي .
أستاذنا بدر لك التحية .
أظن من غير تأكيد جمت دي من الجمام ، مكان الموية
في أرض قريبة من المورد الرئيسي ، وزي ما بقولو
خشمي ( جم ) عندما تشاهد ( حلب الليمون ) فوق الشطة .
وإن كنت مخطئ معناه أنا ( متحشر ) ومتشالق ساي .






    رد مع اقتباس
إضافة رد

الكلمات الدلالية (Tags)
للأديب, للفاتح, مهداة, الدين, العفر, القاش, بالعامية, بدر, جبرة, ود, كلمات

كاتب الموضوع أبو زمام مشاركات 19 المشاهدات 2555  مشاهدة صفحة طباعة الموضوع | أرسل هذا الموضوع إلى صديق | الاشتراك انشر الموضوع


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
كلام للفاتح جبرا الهادى عبدالله منتدى الحوار العام 9 01-26-2012 12:25 AM
والي كسلا: لا خسائر جراء كسر (القاش) العاشق المنتدى السياسي 2 10-14-2010 10:05 PM
محمد عبد المطلب ( ود العفر ) عريساً !!! عمر ود الخليفة الترحيب والتهاني والتعازي 9 10-04-2010 10:26 PM
القاش ===== بلاع المية ود راس الفيل المنتدى السياسي 0 04-24-2010 04:04 PM
بالعامية مصطفى شمس الدين منتدي الشعر والخواطر والقصص والروايات 2 12-27-2009 04:22 PM

RSS RSS 2.0 XML MAP HTML

^-^ جميع آلمشآركآت آلمكتوبهـ تعبّر عن وجهة نظر صآحبهآ ~


الساعة الآن 12:09 PM بتوقيت مسقط


Powered by vBulletin® Copyright ©2000 - 2014, Jelsoft Enterprises Ltd.
new notificatio by helalia.com/vb
المواضيع لاتعبر بالضرورة عن رأى الموقع