::  إظغط هنا  :: ::  إظغط هنا  ::

العودة   منتديات الهلالية - السودان > قسم المنوعات > منتدي الشعر والخواطر والقصص والروايات

مسدار القشاش2

وإليكم المتبقي من الجزء الأول 55 لتيبة سته يوم بعد الكديب والحشه من الطرفه جاد ليها الكريم بي رشه هالشافعه المتل بهم الخريف البشه فوقها غبينتي بي ناس


إضافة رد
 
أدوات الموضوع إبحث في الموضوع انواع عرض الموضوع
قديم 12-13-2009, 08:56 PM رقم المشاركة : 1
محمد الحسن ابنعوف
إحصائية العضو








محمد الحسن ابنعوف غير متواجد حالياً


افتراضي مسدار القشاش2

أنا : محمد الحسن ابنعوف




وإليكم المتبقي من الجزء الأول


55
لتيبة سته يوم بعد الكديب والحشه
من الطرفه جاد ليها الكريم بي رشه
هالشافعه المتل بهم الخريف البشه
فوقها غبينتي بي ناس روبي ما بتنفشه
56
أم ديساً مرَدَّف بي قفاها موضَّب
يهابش في الكفيل ماهو القصير ومجضَّب
أم خشماً سغيرون بي حلاتو مرضَّب
القال شفته زيها في الخلايق كضَّب
57
الديس مندلق والكتوف مليانه
والعينين نششاشيب تفضح الجبخانه
في السدر البشابي ولا الردف غنيانه
ياكين في الضمير عادمه اللضى وفلسانه
58
عقباتن قلب بنطونّها كاسر الموج
يامن خته تقال حملو تب بالهوج
أنا واللفعوها البي الدهب منسوج
يختا دربنا هدا القاسي والمعووّج
59
نحمدو بالسلامة نزلنا في الحصاحيصا
أنا والخاتى في الأرداف مطبق ديسا
لتيبة حقنة الطرف المعلا تريسا
كان شافها البشير يابه الحكم والريسه
60
قدلت فوق عدل زينها الرديفه ونيه
البطحاني ديسها ومن وسط شكريه
زي نخل الشوايقه منقحه ومسقيه
حرة وبت الرجال الظن تكون جعليه
61
إخيت أبان صهيل المضمر هافها
أيدي على الكتاب مافي راجل شافها
أنا نضمي إنقطع عن مايقها وكتافها
عنتر وبن زيدون ما بجيبو أوصافها
62
وقلته أناضمه إمكن علي ترقْ
دقيت بالنميم طارين موَتَّر ورِِقْ
متل ما بي تمام زينا وسماحتو شرِِقْْ
برضك من نفورو ومن جفلتو حرِقْ
63
قدر جدعتلها النضم المغفى قصيد
هبرت كفتي الكجامه مابيه تصيد
بعد قندولها فرَّك قاوى للحصيد
جفلت مني عاد إياهو حال الصيد
64
مراتاً رطانة ومرة مرة فصيح
ومرات يابى لي تمرق غبينتي وحيح
هيا جبل السماحة المابتهزك ريح
يا ناضميني هسع ولا هسي بصيح
65
بندق فوق بحر مرقن نمايمي عليها
تسرح في التراب متل الحديس مو ليها
هيا الروح القبل طب ما إنطلع عاليها
ليمك راح فقيرها وعمدتا وواليها
66
سلام آجدية الوادي المحدَّر سيلو
يا أم عرقاً يبز أشراف قريش نسيلو
نمراً من نمر فوق النمور فصيلو
إن جاك شايلو شوق آ السمحه شن بتسيلو

67
ويابزيد ما غزيت ولا خيولك هاشن
العنافي والدبزاوي في الصيات ولا بتماشن
يا راعي الحمير في السهله ما بنحاشن
والقانص النجوم بالحربه ما بتناشن
68
والنفس الأبت يا مك تعود بالخيبه
متيامنه الوصول القادرة ماك داريبا
عاد الليله مهما تبقى قاسيه صعيبه
باصل حدها إن بقى للمطاح والغيبه
69
وأخدر كطعي ما غنيتلا نمة زول
درعتك فقيرك تنضم آ أبوالهول
وصفت الموايق والضمير والطول
صرت وشها وقاتلي نم لا الحول
70
الحول مو بعيد آ بنيه باصل حدو
والجمل البهيج إياني لباب شدو
يات من نطّ من القاسيه نفض يدو
قولت يا نمر بلقاني عن حد حدو
71
حكرت النضم خوجلت في الدوبيت
وزت علي العبار من عندي مية بيت
درعتك كطاعت ربي سيد البيت
قبال ما أتم قاتلي ياخي أبيت
72
وضحكت...
ضحكت لا الشرق قادر الله السيد
وأنا في الساعة ديك الواجبه أسيلي مسيد
زي نمر الحراشه نترته واقف سيد
هدا ترى الفرق بين العبد والسيد
73
الله يجازي محنك يا المغير سادر
من بحر الملح لامن تصل لا أم بادر
شقيت البلد ضُهري وهويد وبنادر
ما لاقاني متلك يا المسلط وقادر

74
وقلبت فوقي عينين التقول بتكاون
وفتقت لي جروحاً تاني ما بتداون
في الدين الحنيف الزول أكان بتهاون
هن والكعبه عند الما بخاف من الكريم بتساون
75
بعد عينيها قلبت لي صفحت أحوالا
حفيدت المك نمر جنيات دكين أخوالا
الشكريه عند الندهه سند المايلة والأباله
وعندها في البطاحين خيت عقاب وأصاله
76
وقالت تفتح الباب القبيل ما إنسده
وإنسندت فريع سوت ضراعها مخده
يا البتبرّدولك محرمين من جده
لمني بيها بعدين السماء الإنقده
77
حارياك من قبيل آ ود عم باريني
عرفت من قبل ولا بتشبه فيني
نوارة رفاعه إن كته ماك داريني
حارسني السماح من راسي لا كرعيني
78
الدار في رفاعه وتاني عد لا شندي
بت حرة وكفى متل المنسج هندي
إن درت الرفق زندك بجاور زندي
إلا ان درت شين آ ود عم موعندي
79
كدي وناضمتها ومتلي النضم ما بكوسلو
خبّارن بفك عقد العوج في أوسلو
بنتكِّي العشار لي ضيفنا ما بنعوسلو
كايدنا بنقرِّنلو الحديد وندوسلو
80
ها البارياك دي روحي المن ساعة شلتيها
وعرفت من قبل كيفن بكون ناسيها
متلك ما بظن آ لضامرة ليها شبيها
شبهك في السماح الساها ما بتنيها
81
حبابك تسلمي آ الضامره العزيزه وحره
وانا بالحق منسل من خزاعه ومره
في السيال وحاتك ود قبايل غره
في دارنا الاسد زي الجداده وبره
82
من شندي الأهل يا الحره والمكنيه
ود ود أبنعوف أهلي البخلفو الكيه
مطاميرهم مقلعه لي البشيلو تكيه
وكت الراي كمل سوّها بالزنديه
83
أدبرة والعبيدية الدرب لا الباوقه
في الترى والمحل جت البيوت متضاوقه
لا كلي والجوير الروح بقت متشاوقه
نمور أرواحنا إلا علي الأهل متناوقه
84
شافعنا البتربل وبمسك الحواشه
بقابل أم جنزر البجض رشاشه
نحنا أولاد نمر نجض عساكر الباشا
خلف كيها وما ساها (زي نيفاشا)
85
كم شقينا هناشه ودقشنا بطيره
كم فوق صي عرضنا وفي أم دوي وقصطيره
ضقنا سلقنا مقدتها وشوي حنيطيره
ضقنا الدود موالفنو وحلبنا الطيره
86
مفروزين وكت يعلا العجاج ويعفر
ومهيوبين وكت ما الخيل تهيج وتدفر
سيوفنا مجربات هبشة قفاها تسفر
شماخين وحاتك فوقنا عزة تكفر
87
شعرة جلدي كلبت آ نمر سارقني
ما تفركني في عودي الصبر ورقني
إتبارد قليل نارك كدي بتحرقني
متيامنه الكريم بي نيه ماك فارقني
88
والزنود بقن من حيستن جيران
وفي الحساد ورانا متقبه النيران
إنّفخن ودايجي وإنجعصْ بطران
شفته رقبتي شيخ والدنيا جت حيران
89
وحيداً يوسوس في إضينة خيو
قال في معنات حديثو وفي قلبتو وطيو
هادا العريبي الدرع أم سماح في غيو
ما أخير ليو يشوف بهمو وصرارو وعيو
90
قصد طنشت نضمو وكت كرشتو عنيه
وانا سيد خسلات تلاته مركزات وقويه
بتخاته الهويّن وما بقع في الخيه
قلب مكجنو الولد اب مشيتاً نيه
91
وحيدتن رهيفه مجربنه ومسلوله
كملت من لحيمة الزايله تب مغسوله
نضمت فوق حديس لو بخصها ولو هولا
شن قدّر متيلك هالغزيلة يطولا
92
تب أصبحنا بي الله وعقدنا حبال
يا موشاًً منقر زي قفى الغربال
في الداره أم صققّر مابتخشي البال
تحلقي يا الدغش ما يجيكي سيد شبال
93
خاتي عليك أكان أداك ها الوش المطرم بوزو
شبهك فنه في الدهر الحمار ما بحوزو
قردة طلحة الصي النبيقه تعوزو
ود تمار أكان شافك بضاير موزو
94
وخترنا علي الدرب إلا البتختر زلت
عترت فوق حجر قاسي وصعيب مصلط
مرقت شهقه لا الحلقوم وعقب أتدلت
أنا أخو (نضال) خلاص عُقدة نصايبي إنحلت
95
تسلم ختاك الشر بعيد لا يطولك
ويختى جميع من في عقابك وعولك
بتساعل عليك آ خي تفوق مسعولك
منو الشهقْبها ومرقت غسب في قولك

96
ساهي سعال وحات الشيخ يمين مي غيره
لا تكون بت أعم ليك قبل في الخيره
شايفاك إنشهق بيها وقصد فخِّيرا
حتي نا بت رجال آ خي ونفسي كبيره
97
(نضال) آ بنيه أقسى من القصيد وأوصافو
مهما شبَّه فوق صوف السنام وصافو
هي وتومته النهي يا أم ديس سعت يتصافو
شن خسَّانا في الشتو النضم والصافو
98
حره وفنجريه وفوق أخوها حنينه
ميها رهيفه متل العود وميها بدينه
رافعه رويس أخوها وضاويه لينا رتينه
كل ما يخفن البنوت نشوفها رزينه
99
إتنين فوق رويسي وفوق تلاته رجال
ما مرقت تكشكش ودقت الخلخال
رزانه وتوب عفاف وسماح وسترة حال
شرفت القبيله من العم لا خال
100
نضال الشم وكت تبقى الضلمه رفيق
نضال فسحتنا وقت الواسعة بينَّا تضيق
نضال الحق محققه في الحقيقيه حقيق
عشم داخرنو للسغبه ونشاف الريق
101
كفاك شكرتها وقدامنا باقي دريب
وتسلم خيتك حاشاها من الريب
الكمون أكان ببقالي هسى قريب
اكنت ببخرا من الحسود ومريب
102
وشقينا الفراريش لا الظليط ووقفنا
بضاع الصعيد المتلهن ما شفنا
بالكيل والوزن تلقى العبار والحفنه
نجي لي أهلنا صادين منو نملا قففنا
103
(بص أفراس) وقف حاسانا شخّر وفوفا
بالديزل مكنتو معنفه ومعلوفه
جواهو الخلوق آب شمه ضاربه كيوفا
تحمد سيدها لا لباب ولا مخلوفه
104
كرسيين سوا وعقبان رفعلو تلاته
وأدونا التذاكر ستها في مخلاته
أليلت جلد زرقه وتلالي حلاته
بس عشرين جنيه لا حجه لافي غلاته
105
دوَّر وسالو واحد واتنين وخته تلاته
وبص أفراس خرت كل المدوره فاته
واحدات (مارتيدس) واحدات هوينات (تاتا)
البقدر بسوق إلا البخاف بتخاته
106
وعدلت قعتتا وسرحت جديتي مساااافه
قلبت لي حديسن كلو زوق ولطافه
الشافعه أم سديراً شبَّا فوق أكتافه
بتتر بالضمير وبتسدي فوق أردافه
107
في الأفرنجي تنضم وفوق فصيحه ودارج
وفي كافه علم السمحه شابه مدارج
القطع العشم في الزايله والمتدارج
كايس لي طريقتن تبقى ليها مدارج
108
نضمت في الحكومه وجابت المسدار
في المك والرئيس الباشا والسردار
في الدين والفلك كسرت عقيق وعدار
أوسلو وكوكدام أم خفه والكدار
109
حلبت وصررت وراحت الحوكاره
لعبت بستليشن وساقت الترتاره
الروك آند رول الوازا والنقاره
شفت الريكه بدري وحلقت في الداره
110
وفي وسط الحديس سكتت ظنانه وشك
ورجيت نص عمر عقد اللسان تنفك
إنفك اللجام وسمعته حسو جلك
أصيح للمك منو؟؟ ولا أقول يا مك
111
وأدتني إسمها وحفظتو خمسه حروف
أعلا علي السما وأخدر مندي جروف
الهاكعه المهو أم تنايا ودوف
ليك بتكوها حرارة التكنها خروف
112
والزول البريدو انا ما بجيب سيرة إسمو
محور كيو في الخاتر مخلف وسمو
العجب العجيب إن سوى ليك فر بسمو
أمر الفي الحبل بي نظره منو بحسمو
113
قاتلي الصداقه آ مك متين نوصلها
شال الغي رويحتي ومن جتيتي فصلها
حلال الدرب وريتها جت فصلها
قبال لا أتم ألقى البرز حصلها
114
الحله الصداقه وابفروع والكوع
والبنده عليهم في المحل ملكوع
والشاقه المهو والفي السهل هكوع
ساكت في مراحن يا أم سماح سكوع
115
قنب الحلاوين أهلي البتكو أم دوف
الله أداهن إلا من البخل والخوف
بلفو الواقعه عن ساعت حرقت الجوف
ومطرقهن براها تسكت القرنوف
116
ودخان مصنع السكر مسيلو ضباب
ويا أهلي البطاحين الشرافه حباب
كان الزايله بالخاطر تجيك في الباب
أكت باخد سنيدة شويه في الطالباب
117
حبابك يا أب عشر إنتي الحنينه وجاره
وكفاك في الربح (بت الخليف) تجاره
يا بلد البخمجوها أم صياح وعجاره
ركّز في المحاص وقت الخيول تتجاره

118
والقباب هديلك قبه عاقبه القبه
يناطحن في السحاب تقوى وصلاح ومحبه
ها النضم البتاخدو الريح سويعت الهبه
مهما أحكرو في وصفك قليل وحبه
119
من عند المشيرع لا المسيد والسوق
هورك في القلب ما بدفنن واسوق
أنا الكتفني غيها بي المسد موسوق
خالف ليمها في الزرقه وعيونها تسوق
120
حجة وصوم سنه في دير هواك مي عباده
يا دار حرقة القلب الخرقبي العاده
تسعه سنين قضن ماسكلهن عداده
غيك نارو يا هسع توج وقاده
121
أحيييييي الفرقتك جديه ما بتملاها
علا المولى بي رحماتو يتولاها
علي الشرع فروتو وفي البحر دلاها
ناذر لي عقدتك قبه كان حلاها
122
شفته سماح فرنجه وليم عرب وبرابره
وضقته مجال مع بنوت ملوك وجبابره
الراكبه السماء والملازمه الجابره
واحد عندي بعدك يا الجفلتي مكابره
123
وبعد فرقتنا عقبان مغسه ما بتقنت
واحده الزايله عندي إن سكلت وإن غنت
تركت الهبه ليها من الصعيد وإتْنّت
شربت ريدي بكري إتكيفتبو وتنت
124
ود الماجدي ودى علي أم دقرسي خبرنا
وشوق أم زين خلاس خنَّق علينا عبرنا
بصيصاً كان بصابق فينا منو هبرنا
واحدات زغرتن ونحنا الرجال كبرنا
125
عسكور المرور أدو البسوقو إشاره
وقف وناضمهم ضحكوا وغمتلو صراره
أنا والقاعده جنبي الغية ما بتضاره
قالت فوق قصد غايتو المعيشه بصاره




• هذاهو الجزء الأول من مسدار القشاش الذي يصل محطته النهائية عند مدينة الباوقة في البيت رقم 3312

أخوكم محمد الحسن
alsudni_1993@ hotmail. com
0912374341


ls]hv hgraha2








أكتب تعليق على الموضوع مستخدماً حساب الفيس بوك

تسهيلاً لزوارنا الكرام يمكنكم الرد ومشاركتنا فى الموضوع
بإستخدام حسابكم على موقع التواصل الإجتماعى الفيس بوك


    رد مع اقتباس
قديم 01-10-2010, 04:22 PM رقم المشاركة : 2
حسن الفاضل على
عضو
إحصائية العضو








حسن الفاضل على غير متواجد حالياً


افتراضي رد: مسدار القشاش2

أنا : حسن الفاضل على




بسم الله الرحمن الرحيم
السلام عليكم ورحمة الله تعالى وبركاتة
تحياتى للادارة والحضور وشكر خاص للسيد /محمد الحسن ابنعوف .على القشاش
وتقبلو مرورى والاخ العزيز /على عثمان عبد الله ود التبيب وزميل دراسة للشاعر
السودانى...................... ...............






    رد مع اقتباس
قديم 01-10-2010, 09:22 PM رقم المشاركة : 3
محمد اسماعيل بلة الشاعر
عضو مشارك
 
الصورة الرمزية محمد اسماعيل بلة الشاعر
إحصائية العضو








محمد اسماعيل بلة الشاعر غير متواجد حالياً


افتراضي رد: مسدار القشاش2

أنا : محمد اسماعيل بلة الشاعر




مشكور يا محمد على هذا الكلام الجميل وتقبل مرورى






    رد مع اقتباس
قديم 02-10-2010, 01:12 PM رقم المشاركة : 4
هولا بت بلد
عضو
إحصائية العضو








هولا بت بلد غير متواجد حالياً


افتراضي رد: مسدار القشاش2

أنا : هولا بت بلد




الثلاثاء, 29 ديسمبر 2009 09:03 ثقافة وفنون



دخلت الى مضارب الدوبيت من باب المحافظة على إرثنا ومحاربة الثقافات الوافدة ...أعشق السودان لدرجة أنني أتمنى أن يُخط اسمه على جبيني ...كان لنا في مجموعة شروق شرف استضافة الشاعر فاروق جويدة في المنابر الأدبية ...قصدت من مسدار القشاش توثيق الواقع السوداني بتقاطيعه المعهودةحوار: محمد أحمد ياسين – كاميرا: كرار أحمد ...بريق دوباي:... ضيفنا في هذا الحوار شاعر اتى من قلب الشعب ومبتغاه، أرض البطانة، جمع في اعماله التي صاغها ونظمها كل متون الشعر وضروبه فأوعى..يعد امتدادا للاسلاف الذين خطو بيراعهم كل تفاصيل واعمدة أدب البادية من لدن شيخ العرب وودشوراني، والصادق ود آمنه وغيرهم من الشعراء الذين تبادلوا ووضعوا السودان كما ونوعا ومعنى وخيالا وجمالا وابداعا لا يضاهى، شارك في عدد من المهرجانات وحصد الجوائز العلى ابتداءً من مهرجانا دبي مرورا بكرنفالات جامعة النيلين وصولا الى جائزة المركز القومي المركز الاعلامي، يعد الآن العدة لاكمال مسدار القشاش الذي يفوق 3300 بيت، تشهد الايام القليلة القادمة ميلاد ديوانه (اليك مساقي) جلسنا في حضرته فمعاً الى تفاصيل ما دار في الحوار:حدثنا عن الازمنة والامكنة التي اضافت للساحة الشعرية بيتا يدعى محمد الحسن عبد الله؟النشأة والميلاد في الهلالية حيث البيئة الشعرية المطلقة، وقضيت فترة من عمري في النيل الأزرق وهى منطقة جميلة حبلى بالغابات والحيوانات البرية وحتى خروجي منها كانت الحيوانات البرية تظهر امام اعيننا، ومن ثم الجنوب والمملكة العربية السعودية وبهذا التجوال حشدت كم ابداعي وثقافي بداخلي، وكتبت الشعر منذ الصغر وانا في المرحلة الأولية، لكن اول قصيدة نشرت لي كانت في المرحلة المتوسطة بصحيفة الدار وبعدها تطورت فكرتي الشعرية وتمددت عبر الكتابة بالدارجة والفصحى ثم الدوبيت.في أي من بحور الشعر نجدك؟*دائما ما اكتب الشعر على ميزان الوافر لأنه بحر سلس ويسهل استيعابه وسهل المعالجة اللفظية، واحيانا اتطرق لبحور الشعر الاخرى، واجد نفسي في ميزان الوفر لأنه يمتزج بثقافتي التي عشتها، تخرج النصوص من هذا البحر معبرة من غير ان اقوم بمعالجة العروض على طول النص واغلب قصائدي التي خرجت على الوفر مكسورة الآخر.كيف يتجسد الغناء الوطني ومضامينه في دواخل الشاعر؟*اي نص شعري يكتبه شاعر سوداني بالضرورة هو شعر وطني (كما عرفه استاذنا عبد الكريم الكابلي) والقصيدة الوطنية ليست هى القصيدة التي يأتي فيها لفظ الوطن اي كل قصيدة بدارجتنا السودانية او بلهجتنا المحلية وبأسلوبنا الواقعي والمنتوج الذاتي للشعر والفخر والدوبيت بل لكل انواع الشعر بالضرورة هو منتج وطني، والقصائد التي يأتي فيها اسم الوطن تتولد نتيجة للحراك الوطني، اي بمعني انها قصائد مناسبات وهذا بالاضافة الى الازمات الخارجية مثلا ما حدث من (اوكامبو) و(مصنع الشفاء) والصراعات التي كهذه هي التي تمس الحس الوطني في الشاعر ليخرج النص والقصيدة، وهنالك فرق كبير جدا بين القصيدة الغنائية والالقائية حيث نجد كثيرا من المنتج الشعري لا يُغنُى وتخرج دائما في بشكل قصائد عصماء وطويلة تلقى على المنابر وهذه يخرجها الشاعر للمتلقين والجهد كله يكون من الشاعر في اخراج كل احاسيسه وثقافته وقدرته التعبيرية في النص، اما الغنائية يشترك في ارسال رسالتها اربعة اطراف وهم الشاعر والفنان والملحن والموسيقى.ذكرت أنك في بداياتك نظمت الشعر بالدارجة والفصحى، ماهى الاسباب التي ادت ولوجك الى مناحي الدوبيت ومضاربه؟كل الذين حولي يعتقدون بأني شاعر دوبيت فحسب، وهم بتصنيفهم هذا وضعوني في مكان اتمنى ان اكون اهل له، لكن كثيرون هم من سبقوني في هذا المجال ومن لحقوني كثر، وفي بداياتي كتبت الشعر بالفصحي وبعدها وانا في الجامعة آليت على نفسي ان أحمل هم الثقافة المحلية التي انتمي لها لسبب ان الجامعة دخلت اليها ثقافت وافدة من الخليج وبعض الدول الاخرى، ومن ثم الثقافات التي وفدت من خلال الشاشات للجامعة لذلك كان لابد من نشاط ثقافي مقاوم للهجمة الثقافية الدخيلة على مجتمعاتنا فآليت انا واخواني بشرى البطانة ومهدي البطانة وعزمي أحمد حمد ولحق بنا مؤخرا نزار السراج، كما جرت مساجلات بيننا، وهذه المساجة جرت بيني وبين الشاعر فواز عبدالحليم عبدالله؛ حيث اهدي لي فواز خاتماً من فضة فقلت:خاتم الفضة والتاج الموشَّى عقيقفضلك فوقي آ الشلبي البفرج الضيقبنوت شندي عز خلق الله والبرقيقفيهن تحكر الضامرة الوضيبا طبيقورد فواز قائلاً:** ما كل الخلوق بيهدولا ماس وعقيقإلاك آ الأصم ركازتي لي شقيقوإن هدّو الجبال صبحت رماد ودقيقماك فارقني كان الموت بقالي رفيقصف لنا البطانة حيث الطبيعة والجمال والخيال؟ما يميز البطانة هو تفردها بالسلوك البدوي الذي يشابه تماما سلوك البدو في الجزيرة العربية وهم عرب رحل يعيشون جفاف وضنك في كثير من فصول السنه، وخضرة يانعة وترحال مع الابل جيئة وذهابا تحركا مع الامطار، وعادات وتقاليد متفردة وسلوك اجتماعي خاص جدا جدا ومعايشة تربوية بكل القسوة وبكل الجمال لمعني ان يخرج الرجل رجلا (عمدة راي) والمرأة تكون لطيفة ومدللة بطبيعتها البكر التي لا احتشدت في صخب المدينة ولا خالطت الناس، كما يندر جدا ان تكون من البطانة ولا تكتب الشعر رجلا كنت ام امرأة ومن لا يملك مسدارا يملك مربعات ومن لا يملكها له دندنات خاصة فالجو مجبر على الابداع، والدوبيت عن البطانة وسيلة تعبير وتوثيق بحيث تستطيع ان تقول ان الدوبيت هو السلوك العام في البطانة.وماذا عن تجربتك وأنت خارج الوطن ومشاركتك في دنيا الشعر والأدب؟قضيت بعضا من سنين عمري خارج السودان فالمرحلة الوسطي درستها بالسعودية، وشاركت مع النادي الموريتاني في مهرجان دبي الدولي لثلاث مرات في المرة الأولى اخذت الجائزة الثانية، وفي المرة الثانية احرزت المركز الاول وفي الثالثة احرزت المركز الثالث، كما انني متواصل مع كل الشعراء الموريتانيين والاماراتيين ولدى كتابات شعرية باللهجة الخليجية واطورها هذه الايام استعدادا لبرنامج (شاعر المليون)، وموجود على صفحات الانترنت وكذلك مع الاخوة المصريين على مستوى جامعاتهم وكذلك كل الوفود الافريقية والعربية عبر مهرجان الشباب العربي الافريقي والخرطوم عاصمة للثقافة العربية.*هل استطاعت الغربة التأثير والتغلب على الثقافة التي نشأت وترعرت عليها؟*انا اعشق السودان عشقا لا يوصف وهذا ناتج من تجوالي بمعظم مدن السودان لدرجة اننى اتمنى ان يخط على جبيني حروف اسم السودان لذلك لم أتاثر بالغربة، وعندما كنت في السعودية رفضت ان البس جلبابهم في المدرسة وكنت البس البنطال والجلابية السودانية فكنت الطالب الوحيد الذي يختلف في الشكل عن اقرانه، وهذا يكمن في انني لا استطيع ان ابدل سودانيتي وانا انتمي الى السودان من حلفا والى نمولي.هذا المحور يقودنا الى مسدار القشاش هلا أفضت لنا فيه؟حاولت ان اعكس في (مسدار القشاش) اشياء كثيرة اولها توثيق التاريخ السياسي والاجتماعي والسلوك السوداني وما يحتاجه الرجل السوداني في المرأة عادة بالرغم من الجمال بمعنى انه يريدها ان تكون رزينة واخلاقها عالية غيرها من الخصال الجميلة، وبعدها وثقت لكل المناطق على خط شارع الاسفلت والنيل من منطقة الهلالية حتى حدود منطقة الباوقة في هذه المرحلة، وما جعلني اواصل في هذا المسدار والذي بلغ حتى اللحظة (3312) بيت شعر، هو وصف الدكتورة والكاتبة ناهد محمد الحسن وتشبيهها له بـ(الإلياذا) وهى اطول نص شعري، فاضفت له (500) بيت شعر حتى يكون اطول قصيدة، وتبقى لي الكثير لاكمال الرحلة وبه كل الاشياء التي تقع في الخيال، وتحدثت عن (القشاش) موزعا الازمان والاوقات بالظروف الطبيعية دون ذكر الزمن تحديدا، كما انني وثقت للاحداث السياسية في ذات الزمن بقصة (اوكامبو) و(نيفاشا) و(مشاكوس) الى الدخول في تفاصيل (الاقتصاد السوداني) وحتى العادات السيئة في الشارع العامة والغزليات والوجدانيات والاخلاقيات المجتمعة، وحاولت ان اجعل من القشاش قيمة في المجتمع السوداني.*ويقول الشاعر محمد الحسن في مسدار القشاش:وقبليك شالع أب شمة وسماك خريفتيلاد المكوك عقبان ربايتك ريفهو موج سونامي يوم هدم صلابة القيفقصدو يقلدك ساعة معانا تقيف*وينتقل الى منطقة اخرى بالقول:*ومتلك يا نمر الزول بعاشرو ويخبروخي دهب المناصير فوق شماحتو وتبروالزول بعد ما يشقي في الزايلة وغبينتو تعبروشن بيسو خلاف ماساكت يلزم صبرو*ويطوف الى براحات اخرى قائلا:والبتطون ركز بي سقالتو دقش القيفةمن وش البحر ختفت سمومتو الزيفةوقفت بي طرف راسية وتقيلة نضيفةخدرة وكاربة ديسها وعن حشاها رهيفة*ويفتخر بأهله قائلا:من شندي الأهل يا الحرة والمكنيةود ابنعوف اهلي البخلفو الكيهمطاميرهم مقلعة لي البشيلو تكيةوكت الرأي كمل سواها بالزنديةطالما أنك اعتليت المنابر من خلال المهرجانات والفعاليات التي تقيمها المؤسسات العلمية حدثنا عن هذه المنابر؟خلال دراستي بجامعة النيلين كنت رئيس مجموعة شروق للثقافة والفنون لثلاث دورات متتالية وساهمت في تكوين عدة مجموعات ثقافية ومنتديات وفي تلك الايام استضفنا الشاعر الكبير (فاروق جويدة) برعاية الهيئة الطلابية للثقافة والفنون من القاهرة لقراءات في جامعة النيلين وجامعة علوم التقانة وكان ذلك بالتزامن مع فعالية (الخرطوم عاصمة للثقافة العربية) في اطار طلابي منفصل، وبالتعاون مع عدة جمعيات، وذكر حينها ان الشاعر فاروق جويدة عندما رجع الى مصر كتب هذه الذكريات ولمدة ثلاثين يوما بجريدة الأهرام المصرية.*وماذا عن مشاركاتك داخل السودان؟*بعد مشاركاتي في مهرجان دبي حصلت على جائزة المركز القومي للانتاج الاعلامي ثم جائزة شباب بالجزيرة وكذلك الجائزة الأولى في الدورة المدرسية.وعن جديدك في سماء الشعر؟*يقوم المركز القومي هذه الايام بطباعة ديواني الشعري والذي يأتي بعنوان (اليك مساقي) كجائزة بتوجيه من الوزير سيد هارون وبالتعاون مع رئيس المركز القومي للانتاج الاعلامي وهو يحوي قصائد كتبتها في مراحل متفاوتة وطنية كانت ام غيرها وبه وجدانياتي وخصوصياتي، وبعد صدور هذا الديوان بمشيئة الله سيعقبه ديوان القشاش.
*

جريدة الوسط الاقتصادي
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]






    رد مع اقتباس
قديم 02-11-2010, 12:42 PM رقم المشاركة : 5
ياسر الشايقي
عضو
إحصائية العضو








ياسر الشايقي غير متواجد حالياً


افتراضي رد: مسدار القشاش2

أنا : ياسر الشايقي




مشكوووووووووووووووووووووووور






    رد مع اقتباس
قديم 02-11-2010, 12:43 PM رقم المشاركة : 6
ياسر الشايقي
عضو
إحصائية العضو








ياسر الشايقي غير متواجد حالياً


افتراضي رد: مسدار القشاش2

أنا : ياسر الشايقي




تقبل المرور






    رد مع اقتباس
إضافة رد

الكلمات الدلالية (Tags)
مسدار, القشاش2

كاتب الموضوع محمد الحسن ابنعوف مشاركات 5 المشاهدات 3035  مشاهدة صفحة طباعة الموضوع | أرسل هذا الموضوع إلى صديق | الاشتراك انشر الموضوع


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
احلي مسدار ود الثورات منتدي الشعر والخواطر والقصص والروايات 2 11-06-2012 01:15 PM
مسدار نور يس منتدي الشعر والخواطر والقصص والروايات 2 09-06-2012 09:51 PM
مسدار ود الثورات منتدي الشعر والخواطر والقصص والروايات 0 03-22-2012 04:13 PM
مسدار ستيت ( ود اب سن ) حسين عباس سالم التراث والموروثات الشعبية 2 08-10-2011 07:20 PM
مسدار ابو السره ممدوح ودزروق منتدي الشعر والخواطر والقصص والروايات 5 08-11-2010 04:48 PM

RSS RSS 2.0 XML MAP HTML

^-^ جميع آلمشآركآت آلمكتوبهـ تعبّر عن وجهة نظر صآحبهآ ~


الساعة الآن 04:49 AM بتوقيت مسقط


Powered by vBulletin® Copyright ©2000 - 2014, Jelsoft Enterprises Ltd.
new notificatio by helalia.com/vb
المواضيع لاتعبر بالضرورة عن رأى الموقع