::  إظغط هنا  :: ::  إظغط هنا  ::

العودة   منتديات الهلالية - السودان > قسم المنوعات > منتدي الشعر والخواطر والقصص والروايات

من اشعار الرائع/عثمان بشرى

احببت كثيرا قصائد الرائع عثمان بشرى واردت ان اتقاسمها معكم وها هى اليكم : ياريتك كنت معاي ياريتك كان دوبت اعصاب الناي في كاس وسقيتك غنوة بتسبح


إضافة رد
 
أدوات الموضوع إبحث في الموضوع انواع عرض الموضوع
قديم 06-21-2008, 04:19 AM رقم المشاركة : 1
ابراهيم الفاضل
عضو متألق جداً
 
الصورة الرمزية ابراهيم الفاضل
إحصائية العضو










ابراهيم الفاضل غير متواجد حالياً


إرسال رسالة عبر MSN إلى ابراهيم الفاضل إرسال رسالة عبر Yahoo إلى ابراهيم الفاضل

افتراضي من اشعار الرائع/عثمان بشرى

أنا : ابراهيم الفاضل




احببت كثيرا قصائد الرائع عثمان بشرى واردت ان اتقاسمها معكم وها هى اليكم :

اشعار الرائع/عثمان بشرى 115_1214008531.jpg

ياريتك كنت معاي ياريتك
كان دوبت اعصاب الناي في
كاس وسقيتك
غنوة بتسبح عكس الخوف ايامك
وكلما طريتك
داهمني حنين للشاي في بيتك
يامعطون في البال ومشتت
عبر مسام الحاجة وجِِِلدِِِِِِِِِِِِِِِالح لة
طقس مميز انو احجي الكون بلونك
واحلب ضي النجمة اغني امني
لهاث الجوف بكونك
وقبل ما اعشي ولاد الشوق
باللهفة عليك
عشيتك
ياريتك
كنت معاي
ياريتك
:z03:



lk hauhv hgvhzuLuelhk favn








أكتب تعليق على الموضوع مستخدماً حساب الفيس بوك

تسهيلاً لزوارنا الكرام يمكنكم الرد ومشاركتنا فى الموضوع
بإستخدام حسابكم على موقع التواصل الإجتماعى الفيس بوك


آخر تعديل صباحي عبدالملك يوم 06-21-2008 في 04:55 PM.
    رد مع اقتباس
قديم 06-21-2008, 04:23 AM رقم المشاركة : 2
ابراهيم الفاضل
عضو متألق جداً
 
الصورة الرمزية ابراهيم الفاضل
إحصائية العضو










ابراهيم الفاضل غير متواجد حالياً


إرسال رسالة عبر MSN إلى ابراهيم الفاضل إرسال رسالة عبر Yahoo إلى ابراهيم الفاضل

افتراضي

أنا : ابراهيم الفاضل




ترنيمة
يا توما من وجعى العنيد
هل أزهرت شجرة حديد
هل غابت الشمس الحبيبة
ومال غصن ضلك وحيد
هل عفّرَت لوحة هواى
فى البحث عن سكة خطاك
خيل الجوى
أشرت ليك شان ترفعى
الباقى الفَضَل وتَحتِّى من
عصبى النوى
وتعيدى لى بعض الوسامة
فى لون غناى
بعض الدّسامة
وتطلعى
أنا أصلو خَان عشقى
الوعى
وقَتَل ملامح طلعتك
كُتر النعى
أشرت ليك ما تطلعى
كيف تطلعى؟






    رد مع اقتباس
قديم 06-21-2008, 04:25 AM رقم المشاركة : 3
ابراهيم الفاضل
عضو متألق جداً
 
الصورة الرمزية ابراهيم الفاضل
إحصائية العضو










ابراهيم الفاضل غير متواجد حالياً


إرسال رسالة عبر MSN إلى ابراهيم الفاضل إرسال رسالة عبر Yahoo إلى ابراهيم الفاضل

افتراضي

أنا : ابراهيم الفاضل




سقوط

إيقاعى إختلّ يا أختاً
بحجمِ المحنة والزمن الهزيل
وجمراً باقى فى عُمق الشرايين
المداخل
المطبات المراحل
إنمحى الوجه القبيلا
تشوفى زى صدر الجزيرة
وإنبهت لون السريرة
وحالف العمر الرحيل
معادلة الزمن صَعبت
تليت سُورة الخلاص
لاذت خطى الزمن الخليل
لا فُـت لا جيت
لا لقيتك يادروس العبره
ضليت السبيل
والكوة فى جُدُر الخواطر
والمخاطر إعتلت
كُل المنابر شوَهت إسمى
وبديت أسقط
سمق إسمك
شمخ فى دورة الرعد
إنفتح باب السما
وصبيتى
نبت من جديد نبضى
وبديت أسقط
شدخ فاسِك عباب الضلمة
لاحت فى الأفق عينيك
برق ثغرك
ولج عمقى
وبديت أسقط
هتف جُوّا الوجع نبضك
رِتاج وصد الدروب إنحل
بديت أجرى النفس كمّل
ركضتَ قُبالك إتلاشيت
وبديت اسقط
مع الزمن السقط منى
نسيت أديك عناوينى
ونسيت أرسم خطاى تانى
وثابت زى عمود الهم
لا لميت ولا بتلم
لا حصلتك
آه
أوبى
الدروب إنسدت
الفرح أنقتل جواى
أتوب ياسكه ما توبى
كفاك أوبى
أتوب ياذاتى ما توبى
وأعلن ياصحف:
ضليت
خرجتَ ولم أعد للآن
وقد ودّرت محبوبى
مواصف ذاتى كالآتى
طويل الهم
كثيف الغم ولون البشرة
نواتى
سرابيل الوجيع فينى
ولا يكفيها يكفينى
ولا تكفينى آهاتى
وشوك السكة
فى الخُف الحِفا وتوبى
وبين الدم وشريان الرحيل
شكلك
كفاك أُوبى
كفاك أُوبى
مشيت
هرب الدرب منى
اقيف أفتُر
أزيد أعتر
أمد الإيد ركاب ضوك
تزَح تنتَر
كتاتيح البلد تنكال
تشيل كوخ الصبّر منى
عصب قصب اليقين يَنكَش
يجف النيل يموت القش
ورم قلب الرحيل منك
ولا يمكن قريب يَنفَش
رمال الدفن ساست
فى خلايا الذات
عوامل تعرية وإسقاط
بديت أنساك
كفاك أُوبى
أتوب يا إنت ِ ما توبى
بلغت مراحل الإفلات
من الواقع إلى المجهول
وحدّ مرونة المعقول
ما بين العُسر والممكن
وبين الممكن المعقول
وقف عمرى
وبديت أنهَد
أنا وأرتَد
كفاك أوبى






    رد مع اقتباس
قديم 06-21-2008, 04:27 AM رقم المشاركة : 4
ابراهيم الفاضل
عضو متألق جداً
 
الصورة الرمزية ابراهيم الفاضل
إحصائية العضو










ابراهيم الفاضل غير متواجد حالياً


إرسال رسالة عبر MSN إلى ابراهيم الفاضل إرسال رسالة عبر Yahoo إلى ابراهيم الفاضل

افتراضي

أنا : ابراهيم الفاضل




إتوهطت دمى المُفصّد.. وصنقَرت
مهمومة تغزل فى الملامح الجايه
للوطن العصب
إتوسطت
حُلم الجدارات البتشهق
من هجير الحاجة
والزمن الكعب
ومضت تركِّب حيلا
فى عضمى المسوِّس
بالتعب
وا نخوتك يا توما ما البال إتسرق / فى اللَّفة
والخيل روَحت
ساقت زمان عشم الدرادر
وكَضّبت كُلّ الغناوى
المارقة من شيط الأزقة
والبيوتات النحيلة
وفترنا من بُكرة المُدَّسدس
فى جيوب الحوش
وبيبان القبيلة
صَعَدت إلى أشياءها
القصوى
عُيونُ الفجر وأقتسمت
مع الليل المواعيدَ
الجميلة’
كفاك أطلعى من دمَاى
أمامك الاطفال
رُصاص
والجُوع مناص
والمدخل الفاضل وحيد / المدخل البفضل جواى
محجوز لأفواج المعزين الكُبار
قتلوك
وجايين مأتمك
عُرسك اظن ما .. مأتمك
لم أفهم الحاصل على وجه الخصوص
فقط إعترفت بإنى ممكن
أفقدك وبكُلِّ ذوق
فاقد خطوط الذاكرة
مضيت على العقد المُوشَّح
بالهتافات الكضب
وبَصَمتَ إنى معاك زول
وافر بصحة وخير وحال
بقدر أقول
وأقول بصمت
إنك حبيبتى وست شقاى
بالحيل بتشبعى رغبتك
بالحيل بتسندى جوعتك
بالحيل ديمقراطية إت
أو حتى بتمدِّى البيفضل
من فُتات ، للجارة قبال
تشحدِك
ما بَصَمت كان إنك كدا
قدام رجال لابسين كدا
لابسين عيون بتقول كدا
لابسين لسان بيقول كدا
لابسين على وجه الخصوص
لابسين
كدا ديل ناس كدا
)لا أستطيع الآن
أن أتوقع الآتى من الآتى /جميعُ اللافتاتِ
توسمت بعلامتين من الذهول
وخصوبتى إجتهدت
لكى تلد البوار (
ياتوما إطلعى ما كفاك
الليل لبس عضمى ومشاك
بتفَتّشى الضُل تحت جِنحات
الطيور الجارحة
الخوف على الباقينى فيك
من ريد موسَّم بالوعود المالحة
أنا إستلفت من الرساميل
توب عطش ولسان منابر
فاضحة
وبديت أغُش
عَشَم الجدارات المُكَندكة بالأمل
عفواً... لأحترف الأغانى
المربحة
أو ليس لى حقّ الممارسة الدنيئة
إذ أسوى من يدى كفاً تصفّقُ
للذى إعتنق البنوك وقال كلمته
الجريئة!؟:
الله فى
جيبى وعافيتى السماء’
الفاتحة)
والقلب’ لا للعشق،
القلب’ للصفقات فى بيع البيوت النازحه
والعشق’ أن أبنى على
رأسُ السنابل دولةًللجوعِ
والمتسولين على الحياة الفالحه
أوليس لى حقُّ السقوطَ إلى علٍ
أحتاجُ
فارهةً تُعلمنى التجاوزَ
والتجاوز’ صفقةً كُبرى لبيعِ
الإحتمال
أحتاج’ بلعوماً وحُنجرةً تسَّن لذبحِ أغنيةٍ
ظلال..
ولتوما أقمصتى القديمة فلتمزقَ ما تشاء
العشق صار الآن أرضاً لا تغنى ما تشاء
شاء الرغيف
ومرارة الراهن
أقيف
وألبس لسان بيقول
كدا
وألبس كدا
وأكون كدا
أخُت على السكة الجرح
وأنزف بدونك توما
وأتناسى.. اللكان
بينك وبين عشمى النصيح
ما السكة أطول من نَفَس غضبى
الفضل
ومعاكى صار العشق ريح
والهم فسيح
إمكن تفوتنى معزتك
لو باقى من قمحك سماحتك لو أنوثة
ومن رجالك مد نضال
بلقاكى فى العشق اللجاى
توما وبواصل سكتك
وا نخوتك وا نخوتك






    رد مع اقتباس
قديم 06-21-2008, 04:29 AM رقم المشاركة : 5
ابراهيم الفاضل
عضو متألق جداً
 
الصورة الرمزية ابراهيم الفاضل
إحصائية العضو










ابراهيم الفاضل غير متواجد حالياً


إرسال رسالة عبر MSN إلى ابراهيم الفاضل إرسال رسالة عبر Yahoo إلى ابراهيم الفاضل

افتراضي

أنا : ابراهيم الفاضل




فى شكل وردة
وردة اولى:
صوت من نجم مقهور ومتورط علاقة مع السماء
او غابة فى وردة مريض بلدى معصلج فى الحكيم والاستبالية
مجنونة من غبشت زقاقت البيوت اليابسة
ماكلة ولا بسة احلام فى الحضر
ثمود او عاد وبيناتن حجر منحل
غنوة بعيدة من ميقات الهبوب والقرى المطرية
او طورية تفتق صرة فى شهوة بذور
والضل كديب ماجور على حقو
ومزنق فى سماية
شمس المخاليق البتجبد جوة ميزان الطحين
سب دين وزغرودات صبايا

وردة ثانية:
مزنوق ويا الله احتملنى عشان اجيك
من مافى
او من خافى
او من سكتك مستور
كدحا ودرءا مستند على فكرتك فى الشلهتة
وفى اى باب علقت ابواب للبنات
من طينك الاخضر
احب دينك اذا فرقت سطر
او حتى صفحة من البياض

وردة ثالثة:
بلاك ما دافقت جواى روح نطفة
ولا بلغت جواى بلد
ولا ناطح عرق فى الروح
بكيمياء العلاقة ولد
ياشقنبة كل القوانين
وارتفاع صقر الممارسة
فى ازيز الايدلوجيا
احبك
احبك
احر من البدرة الملح
(انتى بايوتيك)الكلامات المهترشة
حينما يصطدم الندى بالليل

وردة رابعة :
واعلن يا صحف ضليت
خرجت ولم اعد للان وقد ودرت محبوبى
مواصف ذاتى كالاتى
طويل الهم
كثيف الغم
ولون البشرة نواتى
سرابيل الوجيع فينى
وما يكفيها يكفينى
وما تكفينى اهاتى
رمال الحزن ساست فى خلايا الذات
عوامل تعرية واسقاط
احلف بالذى سواك
بديت انساك
يا وجه الخلاص بالجد

وردة اخيرة
لو انما فى الارض
من شجرة قلم
وكان البحر من مدد المحابر
ما نفدت حديث
ولا فضيت حنينى اليك
برق بيطرح هواك فى الشارع المبثوث ضلام

همسة شبه اخيرة:
نرجو المعزرة بقدر ما استطعتم ان كنت قد اخطات فى تكنلوجيا الحروق
واخيرا:
لكم انتركونتينينتال تحياتى واوسكار حياتى






    رد مع اقتباس
قديم 01-21-2011, 02:41 PM رقم المشاركة : 6
عاصم بابكر محمد بابكر
عضو متألق جداً
 
الصورة الرمزية عاصم بابكر محمد بابكر
إحصائية العضو








عاصم بابكر محمد بابكر غير متواجد حالياً


افتراضي رد: من اشعار الرائع/عثمان بشرى

أنا : عاصم بابكر محمد بابكر




قصيدة كامله لشاعرنا عثمان بشرى فى كامل وعيها... وباهى زييها
عنوان القصيدة لوح السراب
النص:
لوح السراب نقع محاية الشوق
لا تجينى يا نجالة الخاطر
سبيب من طيف
وقع الصقر او هان
كتر البتابت عيب
لا تجينى هان فى الغربة
مسدولا جيف
تعردى فى يمنى ويسرى
اسئلة تعبر السيف
دحن ودرنى
شن خدرنى
غير حيلا غشاهو الكيف
يا تركة حشاى
عنت المساسقة والهبر والجيف
وضم حساك كشنة بال
متنخشن ضراى تربال
جكاك المتنة رهيف
وشن تبقى الرهيفة المايلة
ضلمة بلاكى
شايلة هلاكى
والميتة الفطيس كيكيف

صوت من نجم مقهور ومتورط علاقة مع السما
او غابة فى وردة مريض بلدى
معصلج فى الحكيم والاستبالية
مجنونة من غبشت زقاقات البيوت اليابسة
ماكلة ولابسة احلام فى الحضر
ثمود او عاد وبياتن حجر انحل
غنوة بعيدة من ميقات الهبوب
والقرى المطرية
او طورية تفتق صرة فى شهوة بذور
والضل كديب ماجور على حقو
ومزنق فى سماية
شمس المخاليق البتجبد جوا ميزان الطحين
سب دين وزغرودات صبايا
عشم المسارقة والمجابيد الهوين
المفاتيح البلاش والكيف مستف احتشاد
كلاكى جيد
جيدن يجود حالكى
يا هبر القنيص الفضى
والخلا سم بهار
عفيض الشوق قميص ودران
من الصبر المحمد تار
اجيك مسك بدراوى
فى ساعة نفاس بكر
اجيك عكر
اجيك من حتة الوطن المعتب ضل
ومتريق على فى نعسة مبلولة
ومعطنة بالخلو الذهنى
من كدب الدهم والكشة المركشة
بالمرابيط واللحام البشرى

ابنوسة فى فد مرقة وقعدت للريح
والهتش عريان
من وين اختلف عنك
يطيب ظنك
ادخلى من المغارب ما ختاك النيل
محل قبلت اتمحن واشوفك
فى حداهو توسوسو
شن بتقولو يا كاشفات جرفنا عروض
شن بتقولو يا تمك الهجير والمستحى

ابنوسة طفر من براطيشى السؤال
عذبنى قصر الاجوبة
ساسقت بين امشى وتعال
عفرت هدومى الاتربة
وحل المقادير اختلال
فى تكنلوجيا الافئدة
تمشينى من اقصى التلال للروح
الى اشهى العذابات فى الحبال
ينشل صوت الاقربة
ابنوسة جيتك برة صوت الاجتماع واللجنة
والعرق الرهيف
طلقانة بنوت النميمة الهشة
سماك ما بتنفضح للليل
ولا بربح نجومك صوت
مبشر فى السهل عفريت
وكل ما اسقطك فى الدم عنت
اجلبط هلاويس وانشتر

مين يقدر بلاك فى العكرة
من شبق الطنين والفكرة
يبرد اضانى من قعدة ونسة
الموية والخمج المكركع
مين يقدر يحت احساسى بغربال
يفرز كومو
يسند نومو
بالارث البتصحى من الصباح
دكان وراكوبة ونعال
تنشال على كيفك
على كيفك
تتحدث عن الكوليرا
ونهاية السباق الاجنبى
ولا هماك مناكف فى الغلط والصاح
وتتقب براح
مين يطلع مع الضى من تحت فركة
وعصير نسمة هفيف الليل
ينقط فى المسام
والهم برش
الهم برش
تتمدد على كيفك
تتمدد قدر فرشك
وحت لو كان اذا نعشك
زنق احلامك البكرة
ومين يقدر يصنك فى حدث عابر
ولد فى ثرثرة بنوت من الدهشة
ويصنك فى حلوقن ريق
مدبرة فى الخفايا قدر

بلاك ما دافقت جواى روح نطفة
ولا بلغت جواى بلد
ولا ناطح عرق فى الروح
بكيمياء العلاقة ولد
يا شقنبة كل القوانين
وارتفاع صقر الممارسة
فى ازيز الايدلوجيا
احبك
احبك
احر من البدرة الملح
(انتى بايوتك) الكلامات المهترشة
حينما يصطدم المدى بالليل
الان لا تتفرعى من نار نسمتك السليقة
انا وين من العالم
اذا كل البراهين ركزت طايوقة فينى
ومركزت جواى كون
ولا هامش يكون فى الواطة غير اتنين
ونسمة من الدقش تمرق على التاريخ
سلام عودين
مشبكة فى هدب
وتترتب صفوف الديش
انا وين
وتقعدى فى الهبايب
ثرثرة ونتيش
محننة بالسليقة
ا مهبوشة قومى
قومى من الزلط
دهستنى فى اترك سموم اللهفة
احى عليك... قومى من العباية
الفار لعب فينى الضلمة
امرقى يا جاموسة من تحت الاكمة
اسكتى يا قرقير ضحاوى البال
ها ..يمة
سرق العمر مخلوقو
منك انسيك اسمى
واتنبر ضهارى الغربة
حتة بطاقات واشتباهات فى الهوية
ما بفوتك
حدثى الجايين والرقراق على سهلة بيوتك
ما بفوتك
بين زناد الفكرة والغلط المبيت
ما بفوتك
جف الدبر او شيد
ما بفوتك
اطلقى البيبان تفك ريقة من بنابرا
الواطة صبحت فى الفريق
واللحافات فى الشمس جريها
بكان خت الزول فتر
وامطاك فجر ضحوية
ما كلت حوافر القوت
تحاحى من الفقر
ما بفوتك
انا مين يفضل بابى
غير قفة غناك الفنجرى
انا منك ادليت على
وجيت عليك... وغشيت يمينى
ياشقنبة كل القوانين
وارتفاع صقر الممارسة
فى ازيز الابدلوجيا
احبك
الان لا ابكى ولكننى احدد قدرتى فى
الاتساع على مدى عينيك
رب طريقة اخرى تحملنى الامانة وفق ايمانى بها
وفظاعتى فى العشق ابان الهزيمة
فيما يخص البحر
للبحر الذى فيما يخص
انتهى..........






    رد مع اقتباس
قديم 01-21-2011, 02:42 PM رقم المشاركة : 7
عاصم بابكر محمد بابكر
عضو متألق جداً
 
الصورة الرمزية عاصم بابكر محمد بابكر
إحصائية العضو








عاصم بابكر محمد بابكر غير متواجد حالياً


افتراضي رد: من اشعار الرائع/عثمان بشرى

أنا : عاصم بابكر محمد بابكر




رائع انت يا ابراهيم






    رد مع اقتباس
إضافة رد

كاتب الموضوع ابراهيم الفاضل مشاركات 6 المشاهدات 18764  مشاهدة صفحة طباعة الموضوع | أرسل هذا الموضوع إلى صديق | الاشتراك انشر الموضوع


الذين يشاهدون محتوى الموضوع الآن : 2 ( الأعضاء 0 والزوار 2)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
الرائع عثمان حسين - صدقيني ود العوض منتدى الاغانى والافلام السودانية والعربية والاجنبية 2 10-23-2011 11:02 PM
واصلة لي وين يا اسعار بنت ابو زمام منتدى الحوار العام 3 10-16-2011 03:00 AM
من اشعار البطانة ود البطانة منتدي الشعر والخواطر والقصص والروايات 11 04-27-2010 09:39 PM
من اشعار الاخ محفوظ بشري محمد بشري منتدي الشعر والخواطر والقصص والروايات 12 05-22-2009 04:07 PM
من اشعار عنتر هبه الرشيد منتدي الشعر والخواطر والقصص والروايات 0 05-14-2009 11:20 AM

RSS RSS 2.0 XML MAP HTML

^-^ جميع آلمشآركآت آلمكتوبهـ تعبّر عن وجهة نظر صآحبهآ ~


الساعة الآن 07:58 PM بتوقيت مسقط


Powered by vBulletin® Copyright ©2000 - 2014, Jelsoft Enterprises Ltd.
new notificatio by helalia.com/vb
المواضيع لاتعبر بالضرورة عن رأى الموقع