• السنبلاية : كل عام وانتم بخير زوار و اعضاء و كل عام و الشعب السودانى بالف الف خير و مبروك للشعب السودانى و تحية لشباب و كنداكات الثورة و الف رحمة ونور تنزل على قبور و ارواح الشهداء . شعب العزة والكرامة دمت علما يرفرف بين الامم ..
    اضافة إهداء
    (المعذره .. غير مسموح للزوار بإضافة الإهداءات, الرجاء التسجيل في المنتدى)


أهلا وسهلا بك زائرنا الكريم في منتديات الهلالية - السودان، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .





الزول ما دقس

العريس الداقس تبدأ الحكاية بعد ان تحس بالقلق عندما تجد ان معظم اصدقاءك قد دخلو القفص الذهبى طائعين مختارين_اؤمن تماما ..



25-04-2014 06:28 مساء
الهادى عبدالله
عضـو سوبر
معلومات الكاتب ▼
تاريخ الإنضمام : 03-01-2011
رقم العضوية : 9268
المشاركات : 1546
الجنس : ذكر
قوة السمعة : 10
 offline 








العريس الداقس





تبدأ الحكاية بعد ان تحس بالقلق عندما تجد ان معظم اصدقاءك قد دخلو القفص الذهبى طائعين مختارين_اؤمن تماما بمسألة القفص ولكن لدى تحفظات كثيرة على حكاية ذهبى دى_المهم تحس بالخطر وتأخذك غضبة حمقاء وتناجى نفسك وانت فى حفلة زواج احد الاصدقاء (والله الواحد بعد دا يشوف ليه مرا. معقول هناى الاهبل دا يعرس وانا لسه قاعد براى زى تور الساقية) عندها يستعرض خيالك قائمة طويلة من معارفك البنات ابتداء من ناس نونة زميلتك فى الروضة مرورا بصديقات مرحلة المراهقة الكتار وحتى زميلات الجامعة والشغل وبنات الحلة وبنات الاعمام والاخوال وباقى الاهل ثم وبسرعة تنسى كل اولئك النساء فى حياتك عندما تسترعى انتباهك الحسناء الجالسة فى ركن قصى فى حفل ذات الصديق الاهبل,تحبها من اول نظرة وتراقب حركاتها وسكناتها, تلاحظك هى لكن تعمل ماشايفة وتتلاهى بمكالمة وهمية فى موبايلها وهى ترمقك من طرف خفى كما يفعل الصياد المحترف
المهم تتعارفوا بواحدة من الطرق الكثيرة وجلسة جلستين فى الكافتريا ثم (ياهناى والله انا ماممكن اطلع وانزل معاك كدا ساى, الناس تقول علينا شنو؟ سمعتى حتبوظ) ثم تمسح دمعة وهمية من عينيها فتأخذك الحماسة وتقول (والله ياسوسو_ودا اسم دلع يقبل آلاف الاسماءمنعا للمشاكل_انا ناوى اصل بيتكم بس انتى عارفة الظروف والعرس بيكلف كتير وووووو) فتقاطعك سوسو بحنية ثعلبية وبنعومة الافاعى (انا مادايرة منك شى, انت بس تعال اخطب والعرس يتأجل لحد ماالظروف تتحسن) فتصدق الكلام من عوارتك وتحدد يوم الخطبة وتأخذ ثلة من اهلك وقليل من جيرانك واصدقاءك وتقصد بيت الملاك المختار وتفاجأ انت واهلك بحشد كبير فى بيت العروس وخيمة كبيره امام البيت وصوت المايكرفون يردد (تست تست واحد اتنين تلاتة تست تست) تأخذك الدهشة قبل ان يأخذك ابو العروس جانبا, يعدل عمته التوتل ثم يقول (والله ياولدى انحنا خطوبة ومسخرة ودخلة ومرقة ماعندنا,عشان كدا قررنا نعقد ليكم طوالى والعرس بالراحة) ثم بأبتسامة محذرة (ولا رايك شنو؟) وقبل ان تدلى برأيك غير المعتد به اصلا يكون وكيلك ووكيلها قد اتموا عقد القران فى الخيمة وتحولت انت بقدرة قادر من مشروع خطيب الى زوج-مع وقف التنفيذ-بسرعة البرق ثم يغمرك المعازيم (مبروك ياعريس مبروك ياعريس بيت مال وعيال) وانت كاضم ماقادر ترد وتسمع احدى عمات العروس وهى تقول (شوفوا ياخوانى من الفرحة لمن ماقادر يتكلم) ثم تطلق زغرودة مدوية وهى تبتعد تجتاحك معها رغبة فى لكمها فى فمها لتخرس الى الابد .. فرغم انها صارت شرعا حرمك المصون الا انه يجب عليك ان تقوم بطقوس مهولة ومراسم عرس كامل لأستلامها!!! وعندما تثور على الوضع وتحلف بالطلاق ان تمشى تجرها من شعرها وتجيبا بيتك بدون حفلات او كلام فارغ وتخلص .. تفاجأ بأن المعارضة تأتيك من الداخل أى امك واخواتك (ليه مادايرنا نفرح بيك؟ انحنا اقل من الناس البسوو الاعراس؟ والله لو ماعملت عرس ماعافيين منك؟ عليك الله عاين دا, داير الجارات ياكلن وشنا؟) فترضخ للأمر الواقع وتبيع قطعة ارض ورثتها عن جدك الرابع عشر وترهن بيت ابوك وتبيع الكمبيوتر والموبايل وتزوغ ببعض الصناديق ثم تستلف من 10-15صديق كدا واخيرا واخيرا جدا تجد نفسك حالق جديد ولابس بدلة سودا-لون الحداد!!!- متأبط شرا هو عروسك المصونة والتى جاءتك فى هيئة فيل صغير بعد ان نجحت وصفات التسمين التى قامت بها العمات والخالات وبعض الصديقات الخبيرات, تأتيك متدحرجة فى فستان ابيض-لون الفرح!!! -فتجلسا تحت بقعة ضوء مزخرفة عليها كرسيان تعرف بالكوشة- والتى لاول مرة تدرك معناها- الجميع فى الحفل فى رقص هستيرى والفنان يصدح بسعادة غير مبررة (شن بتقولوا فى الفرح البعذب سيده والريد البضيع زولوا!!) فتلمس الاغنية فيك اوتارا حساسة وتكاد تطفر الدموع من عيونك, وتجول عيناك على الحضور السعيد وتتوقف عيونك على آخر العزاب من اصدقاءك وهو يرنو اليك بحسد تارة وتجول عيناه بين الحسناوات تاره اخرى وتكاد تقرأ افكاره وهو يفكر (هسى فلان الاهبل دا عرس وانا قاعد براى زى تور الساقية؟) فتكاد تصرخ فيه محذرا ولكن صوتا خبيثا فى داخلك يهم بمكر وحقد (وانا مالى, هو أنا فى زول حذرنى؟




26-04-2014 08:48 صباحا
مشاهدة مشاركة منفردة [1]
خالد بابكر محمد حمد النيل
المسرف العام
معلومات الكاتب ▼
تاريخ الإنضمام : 25-03-2009
رقم العضوية : 1886
المشاركات : 16090
الجنس : ذكر
قوة السمعة : 48
 offline 
look/images/icons/i1.gif الزول ما دقس
هههههههههههههه

وينك انت يا رائع و وين الروائع دي

بيني و بينك العقد كان أفضل من الدخلة و المرقة
و هو الناس ذاتم ما صدفوا او يلقوا ليهم زول اقصد عريس أحسن يعقدوا ليهو سااااااي
بكرة بعد بكرة يشوف ليهو لونا تاني و يغير رايو ههههههههههه
لك تحياتي مع الود
تحية خاصة لنسيبتك
و تخريمه خفيفة
يا زول شنو ما قربت تجي ؟؟؟؟




26-04-2014 09:56 صباحا
مشاهدة مشاركة منفردة [2]
الهادي ود الترتر
عضـو مشارك
rating
معلومات الكاتب ▼
تاريخ الإنضمام : 24-04-2014
رقم العضوية : 13529
المشاركات : 68
الجنس : ذكر
قوة السمعة : 10
 offline 
look/images/icons/i1.gif الزول ما دقس
ذغرودة من اقصي الغروب وتهليلا من جيهة شروق فرحانة بيك كل الخلوق شايلين مشاتل ريد وشوق وطبعا دي حصلت مفاجأة وبعد تفكير كتيرجدا ولا كيف يا عريس؟



26-04-2014 12:07 مساء
مشاهدة مشاركة منفردة [3]
الهادى عبدالله
عضـو سوبر
معلومات الكاتب ▼
تاريخ الإنضمام : 03-01-2011
رقم العضوية : 9268
المشاركات : 1546
الجنس : ذكر
قوة السمعة : 10
 offline 
look/images/icons/i1.gif الزول ما دقس
المشاركة الأصلية كتبت بواسطة:خالد بابكر محمد حمد النيل;216615
هههههههههههههه وينك انت يا رائع و وين الروائع دي بيني و بينك العقد كان أفضل من الدخلة و المرقة و هو الناس ذاتم ما صدفوا او يلقوا ليهم زول اقصد عريس أحسن يعقدوا ليهو سااااااي بكرة بعد بكرة يشوف ليهو لونا تاني و يغير رايو ههههههههههه لك تحياتي مع الود تحية خاصة لنسيبتك و تخريمه خفيفة يا زول شنو ما قربت تجي ؟؟؟؟

********************************** اشواق بالكوم ياحبيب غبنا وحضرنا ولو سالتو عننا برضو يانا نحن لا غيرتنا الظروف ولا هدتنا محنه بين وبينك العقد شريعة المتعاقدين وحفظ للعرض والدين وقطع السن الملسنين ********** نسيبتى بتسلم عليك وقالت ليك عافيه ورضيانه عليك ياخلودى يا ولدى يديك الفى مرادك وينولك احلامك واشوف اولاد وليداتك بركة الفقرا البعبدوالله ***************** الرجعه لسه بدرى عليها شويه مع ناس دايرين داك وداك ماخلونا نرجع وما بخلونا نرجع الا بعد ما نقول الرووووووب تحياتى ياغالى لشخصك الكريم وللاسره الكريمه وكان حييييين بنتلاقى (بس مافى الرمله الدقاقه)



26-04-2014 12:11 مساء
مشاهدة مشاركة منفردة [4]
الهادى عبدالله
عضـو سوبر
معلومات الكاتب ▼
تاريخ الإنضمام : 03-01-2011
رقم العضوية : 9268
المشاركات : 1546
الجنس : ذكر
قوة السمعة : 10
 offline 
look/images/icons/i1.gif الزول ما دقس
المشاركة الأصلية كتبت بواسطة:الهادي ود الترتر;216616
ذغرودة من اقصي الغروب وتهليلا من جيهة شروق فرحانة بيك كل الخلوق شايلين مشاتل ريد وشوق وطبعا دي حصلت مفاجأة وبعد تفكير كتيرجدا ولا كيف يا عريس؟

********************** هدهد ياحبيب مرورك رائع وكلماتك اروع مليانه حنيه وبهجه وافراح بتمنى ليك كل السعاده وراحة البال والرزق الوفير واسعد الاحوال تحياتى ياسميى



27-04-2014 09:46 مساء
مشاهدة مشاركة منفردة [5]
عرباوي
عضـو مشارك
معلومات الكاتب ▼
تاريخ الإنضمام : 27-04-2014
رقم العضوية : 13533
المشاركات : 7
الجنس : ذكر
قوة السمعة : 10
 offline 
look/images/icons/i1.gif الزول ما دقس
هههههههههههههههه



المواضيع المتشابهه
عنوان الموضوع الكاتب الردود الزوار آخر رد
الزول كان أباك صباحي عبدالملك
3 5329 أبو زمام
الزول الوفى عثمان الماحى
2 1409 جـرح الـريـده
ما رأيكم في الزول البعاف عمر ود الخليفة
8 1290 عمر ود الخليفة
الزول لو مات ماتجيبو خبر رماز رياض
13 1693 رماز رياض
الزول السمح دينا
4 782 عباس حمد

الكلمات الدلالية
لا يوجد كلمات دلالية ..


 









الساعة الآن 08:08 صباحا