• السنبلاية : كل عام وانتم بخير زوار و اعضاء و كل عام و الشعب السودانى بالف الف خير و مبروك للشعب السودانى و تحية لشباب و كنداكات الثورة و الف رحمة ونور تنزل على قبور و ارواح الشهداء . شعب العزة والكرامة دمت علما يرفرف بين الامم ..
    اضافة إهداء
    (المعذره .. غير مسموح للزوار بإضافة الإهداءات, الرجاء التسجيل في المنتدى)


أهلا وسهلا بك زائرنا الكريم في منتديات الهلالية - السودان، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .





مجادعة ود الأغبش + ابراهيم القروي

ود الاغبش: تعال ياقروي ننضم في الزمان باكيلا وهاكا رسالتي الواجب عليك توصيلا البنت القبيييل الكنت مابمشيلا هسي رجعتا يا ..



23-10-2014 09:31 صباحا
وليد عبالرحمن
عضـو مشارك
rating
معلومات الكاتب ▼
تاريخ الإنضمام : 06-03-2013
رقم العضوية : 12999
المشاركات : 20
الجنس : ذكر
قوة السمعة : 10
 offline 


ود




الاغبش:

تعال ياقروي ننضم في الزمان باكيلا
وهاكا رسالتي الواجب عليك توصيلا
البنت القبيييل الكنت مابمشيلا
هسي رجعتا ياصاحبي وبقيت اجريلا

القروي:

جناً فيك يالاغبش محنتبو حيلا
من الناديه خدادا وعيونا كحيله
المازياكا بي دمع الهيام باكيلا
هسي بوصلا القول وبالعليك بحكيلا

ود الاغبش:






بهواها وبريدا وفي هواي بشقيلا
وفي خدادي جدول من دموعي نزيلا
سالتك بالذي ساقي البلاد من نيلا
قول ليها قال من غيرك نفسو شن باقيلا

القروي:

عارفك آللصم ليك كم زمن ساعيله
وروحك من فراق ست السماحه عليله
قولك جاها منظوم بالعليك تفصيله
قات يومين و ارد .. هسع دموعا بهيله

ود الاغبش:

ممكون بالعزاب ياقروي كيف الحيلا
كل ما اتر عليها تزيد علي تزليلا
انا الخلاني اسال روحي مالا نحيلا ؟
ياهو عزاب جفاها ؟ ولا انا الشاقيلا ؟

القروي:

مويه الدنيا جت نارك ولا بتطفيلا
وروحك شبعا ومن اليقين اسقيلا
درب الريد سمح لكن مسافتو طويله
زولتك جافيه لكن برضو روحا جميله

ود الاغبش:

تايهه في غراما ونفسي فاقدة دليلا
ومن نيران جفاها روحي طال بهديلا
الساكنة القليب وبالضلوع ضاميلا
ياها مزاج رويحتي وخمرتي وتسطيلا

القروي:

عارفك شاكي من الفي قوامه الريله
وروحك في سجون الوجعه لسه نزيله
بكره الدنيا ضحك وبالسعاده تكيلا
تبقي حداكا والحاله العليك تزيله

ود الاغبش:

أأأخخ ياقروي كان تعرف طرق بهديلا
عيني من عزاب الغمدة مابية تجيلا
كلماتن قبيييل ناوي لي تعديلا
بجيبا ليك في قوافي وانت امشي أديلا

القروي:

عارف طيفا زازاكا وكتر تنكيله
خاون للسقد عينيك وبيهو كفيله
ليلك شايلو دمعات والجفون راويله
حلقك ساده عبره ويوت توح شاكيلا

ودالاغبش:

في أخر الختام حروفي ليك بهديلا
وعارفك ود جعل وود قبيلة أصيلا
شاحد للكريم نفوسنا كان يهديلا
ويغنيها الفرح وبالطرب نتكيلا

القروي:

أغبش ود غبش خلقك تملي نبيله
حد ما اجر حروفي عليك بشوفا قليله
تربايه عزاز الفارغه ماك هاويله
يحفظك الله يرعاك والشرور يكفيله




المواضيع المتشابهه
عنوان الموضوع الكاتب الردود الزوار آخر رد
ود الأغبش - انا ياصاحبي وليد عبالرحمن
1 1488 وليد عبالرحمن
ود الأغبش - كتير وليد عبالرحمن
1 1321 وليد عبالرحمن
مجادعة ود الأغبش + وائل محمد وليد عبالرحمن
1 1633 وليد عبالرحمن
ود الأغبش + كمال الدين المرضي - في مجادعة وليد عبالرحمن
1 1516 وليد عبالرحمن
مجادعة ود الأغبش + الباقر السر وليد عبالرحمن
0 1364 وليد عبالرحمن

الكلمات الدلالية
لا يوجد كلمات دلالية ..


 









الساعة الآن 09:32 صباحا