• السنبلاية : كل عام وانتم بخير زوار و اعضاء و كل عام و الشعب السودانى بالف الف خير و مبروك للشعب السودانى و تحية لشباب و كنداكات الثورة و الف رحمة ونور تنزل على قبور و ارواح الشهداء . شعب العزة والكرامة دمت علما يرفرف بين الامم ..
    اضافة إهداء
    (المعذره .. غير مسموح للزوار بإضافة الإهداءات, الرجاء التسجيل في المنتدى)


أهلا وسهلا بك زائرنا الكريم في منتديات الهلالية - السودان، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .





من طرائف الخليفة عبد الله التعايشي

من طرائف المجالس السودانية الخليفة عبد الله التعايشي ذات لحظة صفاء كان في مجلسه بين وجهاء أم درمان .. فقال لهم مستأنس: ف ..



06-09-2016 01:38 مساء
أم ساجدة
عضو فعال
rating
معلومات الكاتب ▼
تاريخ الإنضمام : 30-11-2015
رقم العضوية : 14225
المشاركات : 204
الجنس : ذكر
قوة السمعة : 10
 offline 


من طرائف المجالس السودانية
الخليفة عبد الله التعايشي ذات لحظة صفاء كان في مجلسه بين وجهاء أم درمان .. فقال لهم مستأنس:
في واحد بخاف من الله وما بخاف مني ..
وواحد ما بخاف من الله لكن بخاف مني..
وواحد لا بخاف من الله ..ولا بخاف مني
.. فتعجب القوم (دايرين يتعجبوا ساي) واستغربوا ونظروا لبعضهم البعض ..ثم يمموا وجوههم شطر الخليفة مستوضحين ومستفسرين .. فابتسم الخليفة ونادى أحد ملازميه ونهره قائلا : امش لي الشيخ محمد ود البدوي ..قول ليهو الخليفة دايرك هسع .. وشوف بقول ليك شنو.. وبعمل شنو ..وتعال بسرعة كلمني ..ولاتزيد ولا تنقص.. أمش.. فخف الملازم مسرعا الى الشيخ ود البدوي (جد سعاد الفاتح البدوي) .. وجده في حلقته يدرس طلاب العلم ..فوقف امامه قائلا : يا الشيخ ود البدوي الخليفة قال دايرك هسع.. فلم يغير الشيخ البدوي من هيئته ولا مجلسه الا ان قال له : قول للخليفة ود البدوي عندو درس هسع يخلص منو وبجيك .. ثم واصل في درسه غير عابئ باندهاش الملازم .. فقفل الملازم راجعا الى الخليفة وأنبأه الخبر : ماذا قال للشيخ ود البدوي وما كان رد الشيخ ود البدوي وهيئته اثناء الحديث .. فالتفت الخليفة الى جلسائه قائلا : هذا يخاف من الله ..ولا يخاف مننا ..










ثم ان الخليفة ارسل نفس الملازم الى شخصية أم درمانية مشهورة اخرى.. فقال له نفس ما قال في السابق .. فاسرع الملازم اليه ..فوجده يتوضأ على تبروقة (والتبروقة هي الفروة أو برش الصلاة) وقد غسل رجله اليمنى وتبقت له اليسرى فرفع ابريقه ليغسلها .. فانتصب امامه الملازم قائلا : يا فلان الخليفة قال بدورك هسع.. فانتفض الـــ(فلان) ورمى الابريق قاطعا وضوءه ودخل ليلبس قفطانه استجابة لأمر الخليفة .. هنا اسرع الملازم قبله الى الخليفة واخبره الخبر.. فقال الخليفة لجلسائه وهو يشير الى القادم مسرعا : هذا يخاف من الخليفة ولا يخاف من الله ..
هنا ازداد شوق الجالسين لمعرفة الاخير .. فهمس الخليفة للملازم أن اذهب للنـــــــور عنقرة ..وقول ليهو الخليفة دايرك هسع .. فاسرع الملازم لدار النور عنقرة .. فوجده جالسا ,امامه برمة مريسة رافعا عبارا الى فمه .. فوقف أمامه وقال له : سيدي الخليفة قال دايرك هسع .. فقال له النور ناهرا وسابا:- أبيت ماني جايي .. ثم جره اليه واجبره على شرب عبار .. وكانت المريسة في عهد الخليفة ممنوعة تماما في ام درمان وخصوصا لقادة الجيوش .. مما يعد مخالفة كبيرة ... وبعد إجبار الملازم على شرب كمية كبيرة من المريسة ، وهو راجع الهوا ضربو ...وصل الخليفة ووقف بعيييييييييييد عشان ما يشموا فيهو الريحة..
قال ليهو: { هوووي.... النور عنقرة قال ليك ماني جاي...}
الخليفة قال ليهو { سيبو النور عنقرة ... تعال إنت}
قال ليهو { أنا ذاتي ماني جاي} ولم يلبث الا قليلا حتى ظهر النور عنقرة راكبا فرسه ولابسا دروعه .. فقال له الخليفة ضاحكا : اقيف آ النور .. مافي شي .. ارجع .. ثم التفت الى جلسائه قائلا : هذا .. لا يخاف من الله ولا يخاف من الخليفة....




18-09-2016 01:21 صباحا
مشاهدة مشاركة منفردة [1]
عاطف عمارة
النائب العام
معلومات الكاتب ▼
تاريخ الإنضمام : 04-11-2009
رقم العضوية : 3747
المشاركات : 4208
الجنس : ذكر
قوة السمعة : 32
 offline 
look/images/icons/i1.gif من طرائف الخليفة عبد الله التعايشي
سبحان الله
هؤلاء هم الرجال :آصحاب الحكمة
مشكورة / إم ساجدة
توقيع :عاطف عمارة

images-0321e92204



30-08-2018 05:00 مساء
مشاهدة مشاركة منفردة [2]
عصام حدباي
عضـو مشارك
معلومات الكاتب ▼
تاريخ الإنضمام : 28-10-2011
رقم العضوية : 11941
المشاركات : 3
الجنس : ذكر
قوة السمعة : 10
 offline 
look/images/icons/i1.gif من طرائف الخليفة عبد الله التعايشي
سبحان الله حكيم وحاكم تسلم الانامل روعه




الكلمات الدلالية
لا يوجد كلمات دلالية ..


 









الساعة الآن 09:14 صباحا